Ukupitulukamo Kwe Sukulu Lya Butumikishi Ilya Bulesa
Amepusho yakonkapo yakapitulukwamo mwi Sukulu lya Butumikishi Ilya Bulesa mu mulungu uwa kutampa October 27, 2008. Kangalila we sukulu akatungulula ukupitulukamo ukwa mamineti 30 ukukafuma mu fyebo fyalandilwe mu malyashi ya mulungu wa September 1 ukufika October 27, 2008.
UKUFUNDA PA MILANDILE
1. Kuti twacita shani pa kuti twishibe icalenga abantu bamo ukusumina mu fyo basuminamo? [be ibu. 259 amapara. 1, 2]
2. Kuti twacita shani pa kuti twafwe umuntu ukukanaba ne mpatila mu mutima wakwe? [be ibu. 260 para. 2]
3. Kuti twa-afwa shani abasambi besu aba Baibolo ukulabebeta imitima yabo pa kuti balelunduluka mu kupepa Lesa? [be ibu. 261 para. 3]
4. Cinshi ico tufwile ukulaibukisha ilyo tule-esha ukufika pa mutima wa bantu tulelandako? [be ibu. 262 para. 5]
5. Mulandu nshi cawamina ukusunga inshita pa kulongana kwa cilonganino? [be ibu. 263 amapara. 1, 3, umukululo]
ILYASHI NA. 1
6. Cinshi calengele Paulo ukulemba kalata wakwe uwa kubalilapo ku bena Korinti? [si ibu. 210 para. 3]
7. Cinshi calengele Paulo ukulemba kalata wakwe uwa cibili ku bena Korinti? [si ibu. 214 amapara. 1-2]
8. Bushe Abena Kristu bafwile ukumona shani umulimo wa kubila imbila nsuma? [si amabu. 216-217 para. 18]
9. Bushe Lesa kuti atupaala shani kabili kuti twasansamusha shani bamunyinefwe nga filya Abena Filipi bacitile? [si ibu. 225 para. 12]
10. Bushe Paulo na bo alebomba na bo ba-afwile shani icilonganino ca ku Tesalonika? [si ibu. 231 para. 13]
UKUBELENGA BAIBOLO CILA MULUNGU
11. Bushe ‘ukupeela [imbifi] kuli Satana ku konaulwa umubili, pa kuti umupashi ukapusuke’ cipilibula cinshi? (1 Kor. 5:5) [w08 7/15 “Icebo ca kwa Yehova ca Mweo—Ifyo Twingafwaisha Ukwishiba mu Makalata ku Bena Korinti”]
12. Miku inga Abena Kristu balingile ukusefya imfwa ya kwa Yesu, kabili kufika lilali? (1 Kor. 11:26) [w08 7/15 “Icebo ca kwa Yehova ca Mweo—Ifyo Twingafwaisha Ukwishiba mu Makalata ku Bena Korinti”]
13. Bushe cimonwa nshi ico 2 Abena Korinti 12:2-4 ilandapo, kabili ni nani acimwene? [w04 10/15 ibu. 8 para. 4; ibu. 10 para. 9]
14. Mulandu nshi Paulo alinganishishe Ifunde ya kwa Mose kuli ‘kafundisha uwaletungulula kuli Kristu’? (Gal. 3:24) [w08 3/1 amabu. 18-21]
15. Ni mwi Paulo aloseshe lintu apepele ukuti “umupashi wenu no mweo no mubili nafibakwe”? (1 Tes. 5:23) [w08 9/15 “Icebo ca kwa Yehova ca Mweo—Ifyo Twingafwaisha Ukwishiba mu Makalata ku Bena Tesalonika na Kuli Timote”]