Ukupituluka mwi Sukulu lya Butumikishi Ilya Bulesa

Amepusho yakonkapo e yo tukapitulukamo mwi Sukulu lya Butumikishi Ilya Bulesa mu mulungu wa April 26, 2010. Kangalila we sukulu akatungulula kuno kupitulukamo ukwa mamineti 20 mu malyashi yalandilwe ukufuma mu mulungu wa March 1 ukuyashinta mu mulungu wa April 26, 2010.

1. Naomi aloseshe mwi pa kulanda ukuti “Yehova e wanseebanya kabili Uwa Maka Yonse andetela ububi”? (Ruti 1:21) [w05 3/1 ibu. 27 para. 1]

2. Mibele nshi iisuma iyalengele ukuti Ruti abe “umwanakashi umusuma nga nshi”? (Ruti 3:11) [w05 3/1 ibu. 28 para. 6]

3. Bushe amashiwi Elkana alandile aya kuti “Bushe nshawama kuli iwe ukucila abana baume ikumi (10)” yakoseshe shani umwina mwakwe? (1 Sam. 1:8) [w90 3/15 ibu. 27 amapara. 5-6]

4. Mulandu nshi filya abena Israele balombeele ukuti babapeele imfumu imbi fishawamine? (1 Sam. 8:5) [w05 9/15 ibu. 20, para. 17; it-2 ibu. 163 para. 1]

5. Samwele, ‘uwakotele kabili uwali ne mfwi ishingi,’ aba shani ica kumwenako ica kupepelako bambi, kabili ifyo acitile filangilila finshi? (1 Sam. 12:2, 23) [w07 6/1 ibu. 29 amapara. 14-15]

6. Mulandu nshi Shauli aumfwilile abena Keni uluse? (1 Sam. 15:6) [w05 3/15 ibu. 22 para. 10]

7. Cinshi calengele ukuti Shauli epushe Davidi ukuti, “bushe uli mwana wa kwa nani?” (1 Sam. 17:58) [w07 8/1 ibu. 31 amapara. 3, 5]

8. Cinshi twingasambililako kuli Davidi pa fyo acitile ku bwafya akwete mu Gati? (1 Sam. 21:12, 13) [w05 3/15 ibu. 24 para. 4]

9. Ilyo Yonatani alekoselesha cibusa wakwe Davidi, alangile shani ukuti ali-icefya kabili alikwata no kutemwa? (1 Sam. 23:17) [lv ibu. 28 para. 10, ftn.]

10. Finshi twingasambililako ku fyacitikile Shauli ilyo aile ku mwanakashi uubuka mu En-dore? (1 Sam. 28:8-19) [w05 3/15 ibu. 24 para. 7]