Ifya Kubilisha

◼ Ulupapulo lwa kushalika mu January 2011: Bushe Cinshi Baibolo Isambilisha? Bakasabankanya nga basanga ukuti abo balelanda na bo balikwata kale ici citabo, bafwile ukubashiila icitabo icli conse ica mabula 192 ica mapepala ayamoneka aya kaki nelyo icitabo cimbi icafumine ilyo umwaka wa 1995 taulafika. February: Bakasabankanya kuti bashalika ishi mpapulo: Is There a Creator Who Cares About You?, Icaba Inkaama ku Nsansa sha Lupwa, nelyo Baibolo—Cebo ca kwa Lesa Nelyo ca Muntu? March: Bushe Cinshi Baibolo Isambilisha? Bombesheni pa kuti mukatendeke amasambililo ya Baibolo. April: Ulupungu lwa kwa Kalinda na Loleni! Ilyo mulebwelela ku bantu mwashimikile abalefwaya ukusambilila, pamo na balya abasangilwe ku Cibukisho nelyo ukulongana kumbi ukukalamba, lelo tabasangwa lyonse ku kulongana kwa pa cilonganino, pampamineni pa kutendeka amasambililo ya Baibolo ukubomfya icitabo ca Bushe Cinshi Baibolo Isambilisha?

◼ Ukutendeka mu February, ilyashi lipya ilya ku cintubwingi ilyo bakangalila ba miputule bakulalanda likalatila “Bushe Icine Cilamitungulula mu Bumi?”

◼ Impapulo Ishipya Ishilipo: Bushe Kuti Mwatemwa Ukwishiba Icine?—mu ci Mambwe-Lungu