Ifya Kubilisha

◼ Impapulo sha kushalika mu March: Bushe Cinshi Baibolo Isambilisha? Bombesheni ukuti mukatendeke amasambililo ya Baibolo. April na May: Ulupungu lwa kwa Kalinda na Loleni! Ilyo mukalabwelela ku bo mwashimikiile, pamo na balya abasangilwe ku cibukisho nelyo ukulongana kumbi ukukalamba lelo abashisangwa sana ku kulongana kwa pa cilonganino, bombesheni ukutendeka amasambililo ya Baibolo ukubomfya icitabo ca Ico Baibolo Isambilisha. June: Bushe Cinshi Baibolo Isambilisha? Pampamineni pa kutendeka amasambililo ya Baibolo umuku wa kubalilapo mwashimikila abantu. Nga ca kuti abo mwasanga pa ng’anda kale kale balikwata icitabo, lelo tabasumina ukusambilila Baibolo, kuti mwabashila magazini ya kale nelyo broshuwa iilanda pa fyo abo bantu batemwa.

◼ Nga ca kuti icilonganino cenu cilabomfya Intaneti kabili mulefwaya ukukwata adresi ya cilonganino pa www.jw.org kuti mwatuma kalata pa kompyuta nelyo (e-mail) ku ServiceDepartment@zm.jw.org.

◼ Mu Kulongana kwa Mulimo ukwa mu August, tukalanshanya ifyaba muli DVD ya Jehovah’s Witnesses—Organized to Share the Good News. Nga mulefwayako iyi DVD, kuti mwaorda nomba line ukupitila mu cilonganino.

◼ Bushe kwaliba ifisuma ifyacitike mwi bala ifyo mwingatemwa ukushimika? (Amapi. 15:30; 25:25) Kuti twatemwa ukumfwako! Nga namukwata ilyashi lisuma, kuti mwapeela kampanya we bumba lya baeluda pa kuti asainepo no kutuma kwi ofeshi lya musambo kabili alingile ukulembapo ati “Attention Desk SSH.” Mulingile ukulemba ifingabelengwa bwino bwino, e lyo no kulemba ifishinka fyonse, pamo ne ishina lyenu, imyaka mukwete, e lyo ne cilonganino cenu. Mukwai ishibeni ukuti mulingile ukutuma ifi fyebo ku musambo ilyo ubushiku bwa May 1 tabulafika.