Ifya Kubilisha

◼ Impapulo sha kushalika mu April na May: Ulupungu lwa kwa Kalinda na Loleni! Ilyo mukalabwelela ku bo mwashimikile, pamo na balya abasangilwe ku Cibukisho nelyo ukulongana kumbi ukukalamba lelo abashisangwa sana ku kulongana kwa pa cilonganino, bombesheni ukutendeka amasambililo ya Baibolo ukubomfya icitabo ca Ico Baibolo Isambilisha. June: Bushe Cinshi Baibolo Isambilisha? Esheni na maka ukutendeka amasambililo ya Baibolo pa muku wa kubalilapo mwalanda na bantu. Nga ca kuti abo mwasanga pa ng’anda kale kale balikwata icitabo, lelo tabafwaya ukusambilila Baibolo, kuti mwabashila magazini ya kale nelyo broshuwa iilanda pa fyo abo bantu batemwa. July: Amabroshuwa ayali yonse aya mabula 32 ayo abantu baba mu ncende mushimikila bengatemwa ukubelenga: Ilyo Untu Watemwa Afwa, Imipashi ya Bafwa−Bushe Kuti Yakwaafwa Nelyo Ukukucena? Bushe mu Cituntulu Eko Yaba?, Kuti Mwaba Cibusa wa kwa Lesa!, The Bible—What is Its Message?, Inte sha kwa Yehova—Ni Bani?, na Bushe Mwalisanga Inshila Iitwala ku Mweo wa Muyayaya?

◼ Kuti mwaalula ukutantika kwa kulongana mu mulungu uukatangilila ukulongana kwa citungu pa kuti mukapituluke mu fyebo batweba ukulaibukisha ilyo tuli pa kulongana kwa citungu e lyo na mu mafunde yakukonka pa kulongana kwine. Umweshi umo nelyo ibili pa numa ya kulongana kwa citungu, kuti mwabomfya inshita ya ukukabila kwa pa mwenu ukupituluka mu fishinka ifyo bakasabankanya basangile ukutila kuti fyabafwa ilyo baleshimikila.

◼ Ukutendeka mu mweshi wa May, ifilonganino fyonse filingile ukubomfya Icibelushi ca kubalilapo ku kubika sana amano ku kutendeka amasambililo ya Baibolo. Icipande ca mu Ulupungu lwa kwa Kalinda icakulafuma lyonse icakwata umutwe wa kuti “Sambilileni Icebo ca kwa Lesa” balicipekanya ukwafwa bakasabankanya ukutendeka amasambililo ya Baibolo. Ibula lya kulekelesha ilya Ubutumikishi Bwesu Ubwa Bufumu likalakwata ifyebo twingabomfya ukutendeka amasambililo mu mweshi uukonkelepo, pamo pene ne fyebo mwingabomfya pa kutendeka isambililo lya Baibolo pa Cibelushi ca kubalilapo.