Lipoti ya Mulimo wa mwi Bala

Bamunyinefwe abashimbe, baeluda na babomfi batumikila balipita mwi Sukulu lya Baibolo Ilya Bamunyinefwe Abashimbe, (BSSB) ilibakansha ukwafwilisha bambi mu mulimo wa kushimikila. Bamunyinefwe abapwisha amasukulu balabatuma ukuya mu kwafwa bambi mu mulimo wa kushimikila, ukucema, no kusambilisha, kabili ici cilenga balekuula ifilonganino ku mupashi. (Efes. 4:8, 11, 12) Pa Mulungu pa 27 February, 2011, bamunyinefwe abashimbe 24, baeluda na babomfi batumikila balipwishishe ikalasi lyalenga 49 (BSSB) muno mwine mu Lusaka, pa numa ya kusambilila nga nshi Baibolo pa myeshi ibili, kabili ili isukulu balipekanya mu nshila ya kuti lilebafwa ukufikapo ukuba Abena Kristu abaishiba sana ukusambilisha. Abasangilweko ilyo abana be sukulu balepwisha bali mupepi na 350 kabili balisansamwike capamo nabo pali ubu bushiku bwaibela.