Ifya Kubilisha

◼ Ulupapulo lwa kushalika mu September: Bushe Cinshi Baibolo Isambilisha? Bombesheni pa kuti mukatendeke amasambililo ya Baibolo pa muku wa kubalilapo mwalanda no muntu. Abo mulelanda nabo nga balikwata kale ici citabo kabili tabalefwaya ukusambilila Baibolo, bakasabankanya kuti bashalika magazini ya kale nelyo broshuwa iili yonse iilelanda pa fyo bengatemwa ukumfwa. October: Magazini ya Ulupungu lwa kwa Kalinda na Loleni! Nga mwamona kwaba abatemwa ifyo mwalanshanya, bashileni trakiti ya Bushe Kuti Mwatemwa Ukwishiba Icine? kabili esheni ukutendeka isambililo lya Baibolo. November: The Bible-What Is Its Message? Ukulunda pali iyi broshuwa, shalikeni broshuwa iili yonse iya mabula 32 iili mu July na August 2011 (Moneni Ubutumikishi Bwesu Ubwa Bufumu ubwa iyo myeshi). December: Umuntu Wakulisha Uwabalile Abako Uwa Mweo. Pa ng’anda nga paliba abaice, shalikeni icitabo ca Sambilila Kuli Kasambilisha Mukalamba nelyo Icitabo Candi ca Malyashi ya mu Baibolo.

◼ Bakasabankanya abakalabomba bupainiya bwa kwafwilsha mu March 2012 kuti basalapo abene ama-awala ayo balingile ukubomba mu mweshi nampo nga ni 30 nelyo 50. E lyo kabili nga ca kutila kangalila wa muputule akatandalila icilonganino mu March, ninshi bonse abalebombako bupainiya bwa kwafwilisha, nampo nga bali no kubomba ama-awala 30 nangu ni 50, kuti basangwa ku kukumana kwa bapainiya konse fye uko kangalila wa muputule akwata na bapainiya ba nshita yonse.

◼ Mu September, bakangalila wa muputule bali no kutampa ukulalanda ilyashi ku cintubwingi ilya kuti “Ikataneni na Bantu ba kwa Lesa Aba Nsansa.”