Lipoti ya Mulimo wa mwi Bala

Ukutula apo umwaka wa mulimo uwa 2011 watendekele mu September uyu mwaka wapwile, ifilonganino ifipya 101 fyalipangwa. Ici calenga no kuti imiputule iipya 6 ipangwe. Nga filya fine Yehova asoobele ukupitila muli kasesema Hagai na Esaya, Yehova aletensha inko kabili “ifisuma ifya mu nko shonse” fileisa ku ‘lupili lwa ng’anda yakwe’ iya ku mupepelamo. (Hagai 2:7; Esaya 2: 2, 3) Ukwabula no kutwishika icalenga fyonse ifi ca kuti bakasabankanya balabombesha mu mulimo wa kushimikila no kulenga abantu ukuba abasambi. Tuletasha bakasabankanya bonse pa kucincila kwabo no kutemwa balanga.