Ukupituluka mwi Sukulu lya Butumikishi Ilya Bulesa

Amepusho yakonkapo e yo tukapitulukamo mwi Sukulu lya Butumikishi Ilya Bulesa mu mulungu wa December 26, 2011.

1. Bushe ifyebo ifyaba pa Amapinda 30:32 kuti fyatwafwa shani ukukanalundapo ukukalifya umuntu uo tukalifye kale? [w87 5/15 ibu. 30 para. 11]

2. ‘Kusekelela’ kwa musango nshi ukusha umuntu ukwabula ukukwata insansa nangu shimo? (Luk. Mil. 2:1) [g 4/06 ibu. 6 amapara. 1-2]

3. Abantu bamo batontonkanya ukuti amashiwi Solomone alandile pali Lukala Milandu 3:1-9 yasambilisha ukutila ifintu fyonse ificitika pa calo fyalitantikilwa kabela, Nomba nga amashiwi alandile pali Lukala Milandu 9:11 yalangilila shani ukuti ifintu fyonse tafyatantikilwa libela? [w09 3/1 ibu. 4 para. 4]

4. Busanso nshi bwaba mu ‘kucilamo ukuba umulungami’? (Luk. Mil. 7:16) [w10 10/15 ibu. 9 amapara. 8-9]

5. Ni shani fintu Ulwimbo lwa Nyimbo 2:7 lulangilila ukuti abalefwaya ukuupa nelyo ukuupwa kuti bacita bwino nga tabalepupumina ukusala umunabo wa mu cupo? [w06 11/15 ibu. 19 para. 1; w80 4/15 ibu. 19 para. 7]

6. Bushe ni mwi mwalola amashiwi yatila ‘imilomo itonyo luto’, e lyo na mashiwi yatila ‘ubuci ne shiba ukuba mwi samba lya lulimi lwakwe? (Ulwimbo 4:11) [w06 11/15 ibu. 19 para. 6]

7. Ni shani fintu aya malumbo aya kutila “Kabilo wa cipesha amano,” “Lesa wa maka,” na “Wishi wa pe” yatulangilila imibele ya kwa Yesu ne fyo akalateka mu calo cipya? (Esa. 9:6) [w91 4/15 ibu. 5 para. 7]

8. Ni bani pali lelo abo bengapalanya ku “luko lwa basangu” ulwa bena Israele, kabili ni bani abo Yehova akabomfya nge “nkonto” ku konaula uluko lwa basangu? (Esa. 10:5, 6) [ip-1 ibu. 145 amapara. 4, 5; ibu. 153 para. 20]

9. Mulandu nshi ifyo Esaya aseseme pali Babiloni ukuti “takekalwemo” fyabela ifya kupapusha, kabili ukufikilishiwa kwa ifi fyebo kutulengela shani ukucetekela ifyo Lesa atulaya? (Esa. 13:19, 20) [bh icipa. 2 amabu. 24-25 amapara. 16-17]

10. Ni lilali Yesu apokelele “amakii ya ng’anda ya kwa Davidi,” kabili abomfya shani ayo makii? (Esa. 22:22) [w09 1/15 ibu. 31 para. 2]