Lipoti ya Mulimo wa mwi Bala

Ku Bena Kristu ba cine shino nshiku, takwaba umulimo uo balingile ukubomba mu kucincila uwingacila pa kushimikila imbila nsuma ya Bufumu no kulenga abantu ba mu nko shonse ukuba abasambi. Tulomfwa bwino ukumona abo tulesambilisha bafuma mu mfifi no kwisa mu lubuuto! (Imil. 15:3; 26:18) Tuli ne nsansa ukumweba ukuti ababatishiwe pa kulongana kukalamba ukwaliko mu myeshi ya April ukufika ku June 2011, bali 1,743.