Ifya Kubilisha

◼ Ulupapulo lwa kushalika mu February: Bakasabankanya kuti bashalika icitabo cimo pali ifi fitabo: Is There a Creator Who Cares About You?, Icaba Inkaama ku Nsansa sha Lupwa nelyo Baibolo—Cebo ca kwa Lesa Nelyo ca Muntu? March: Bushe Cinshi Baibolo Isambilisha? Bombesheni pa kuti mukatendeke amasambililo ya Baibolo umuku wa kubalilapo mwalanda no muntu. Abo mulelanda na bo nga balikwata kale ici citabo lelo bakaana ukusambilila Baibolo, kuti mwabashiila magazini iya kale nelyo broshuwa iilelanda pa fyo bangatemwa ukumfwa. April na May: Ulupungu lwa kwa Kalinda na Loleni! Abo mulelanda nabo nga kuti batemwa ukumfwilapo na fimbi, kuti mwabashiila trakiti ya Bushe Kuti Mwatemwa Ukwishiba Icine? kabili bombesheni pa kuti mukatendeke isambililo lya Baibolo. Ilyo mulebwelela ku basangilwe ku Cibukisho nelyo ukulongana kumbi ukukalamba, lelo abashisangwa lyonse ku kulongana kwa pa cilonganino, pampamineni pa kutendeka amasambililo ya Baibolo ukubomfya icitabo ca Bushe Cinshi Baibolo Isambilisha?

◼ Ilyashi Ilyaibela likalandwa pa mulungu pa numa ya Cibukisho kabili likwete umutwe uuleti: “Bushe Impela Naipalama Sana?”

◼ Nga mulepanga ukutandalila icalo icishaba pa mutande wa lipoti wa mwaka wa mulimo nelyo icalo icishakwata adresi pe bula lya kulekelesha mu citabo citila Ilyashi lya Nte sha kwa Yehova (Yearbook), mukwai tumineni iofeshi lya musambo ilyaba mu calo cenu pa kuti bamwebe fimo ifyo mushifwile ukucita nelyo fimo ifyaibela ifyo mulingile ukukonka. Limbi kuti balibinda umulimo wa kushimikila muli ico calo. (Mat. 10:16) Mu fyalo fimo limbi tabasuminisha umweni ukulalanda ne Nte nelyo ukusangwa ku kulongana. Kuti bamweba ifyebo na fimbi pa fyo mwingabomba ubunte bwa mu lyashi e lyo na pa kusenda impapulo ilyo muleshimikila. Ukukonka ifyo bamweba kukamucingilila sana ku mafya e lyo kuti kwacingilila no mulimo wa Bufumu mu calo muletandalila.—1 Kor. 14:33, 40.