Ifya Kubilisha

◼ Impapulo sha kushalika mu March: Bushe Cinshi Baibolo Isambilisha? Bombesheni pa kuti mukatendeke amasambililo ya Baibolo pa muku wa kubalilapo mwalanda no muntu. Abo mulelanda nabo nga balikwata kale ici citabo kabili tabalefwaya ukusambilila Baibolo, bakasabankanya kuti bashalika magazini ya kale nelyo broshuwa iili yonse iilelanda pa fyo bengatemwa ukumfwa. April na May: Ulupungu lwa kwa Kalinda na Loleni! Nga mwamona kwaba abatemwa ifyo mwalanshanya, bashileni trakiti ya Bushe Kuti Mwatemwa Ukwishiba Icine? kabili esheni ukutendeka isambililo lya Baibolo. Ilyo mwabwelela ku bantu abasangilwe ku Cibukisho nelyo ku kulongana kumbi ukukalamba lelo abashisangwa lyonse ku kulongana kwa pa cilonganino, bombesheni ukuti mutendeke ukusambilila nabo ukubomfya icitabo ca Bushe Cinshi Baibolo Isambilisha? June: Bushe Cinshi Baibolo Isambilisha? Bombesheni pa kuti mukatendeke amasambililo ya Baibolo pa muku wa kubalilapo mwalanda no muntu. Abo mulelanda nabo nga balikwata kale ici citabo kabili tabalefwaya ukusambilila Baibolo, bakasabankanya kuti bashalika magazini ya kale nelyo broshuwa iili yonse iilelanda pa fyo bengatemwa ukumfwa.

◼ Icibukisho cikabako pali Cine, pa 5 April, 2012. Nga ca kuti mulongana pali Cine, mufwile ukwalwila ukulongana pa bushiku ubuli bonse ilyo ing’anda ya Bufumu ishakalebomfiwa. Nga mwafwilwa ukusanga ubushiku bumbi ubwa kulonganapo, ninshi uyo mulungu ilyo kukaba icibukisho tamwakalongane. Lelo ifyo muli no kusambilila mu Kulongana kwa Mulimo muli uyo mulungu nga fyebo ifikumine sana icilonganino cenu, kuti mwaisafilandapo mu Kulongana kwa Mulimo kumbi ukukakonkapo.

◼ Amavidio yabili aya Abacaice aya kuti, How Can I Make Real Friends? na What Will I Do With My Life?, yakalandwapo pa Kulongana kwa Mulimo ukukakonkapo. Nga mulefwaya amakope, kuti mwaorda ukupitila mu cilonganino mu kwangufyanya.