Ifya Kubilisha

◼ Impapulo shakushalika mu December: Bakasabankanya kuti bashalika amatrakiti ayali yonse pali aya: Ukucula Konse fye Kwalapwa Nomba Line!, Yehova—Nani?, Yesu Kristu—Nani?, nelyo Bushe Kuti Mwatemwa Ukwishiba Icine? Nga batemwa ifyo mwalanshanya nabo, balangeni ifyo tusambilila Baibolo ukubomfya icitabo ca Cinshi Baibolo Isambilisha? nangu broshuwa ya Mulekutika Kuli Lesa nelyo Mulekutika Kuli Lesa pa Kuti Mukekale Umuyayaya. January na February: Bakasabankanya kuti bashalika broshuwa iya mabula 32 iili yonse pali aya: Ilyo Untu Watemwa Afwa, nelyo Kuti Mwaba Cibusa wa kwa Lesa! Ilyo mwabwelelako, balangeni ifya kusambilila Baibolo ukubomfya icitabo ca Ico Baibolo Isambilisha. Nga mwamona ukutila kuti ca-afya ukubasambilisha muli ici citabo, kuti mwatendeka isambililo muli broshuwa itila Mulekutika Kuli Lesa nelyo itila Mulekutika Kuli Lesa pa Kuti Mukekale Umuyayaya. March: Ulupungu lwa kwa Kalinda na Loleni! Ilyo mwabwelelako, balangeni ifya kusambilila Baibolo ukubomfya icitabo ca Ico Baibolo Isambilisha. Nga mwamona ukutila kuti ca-afya ukubasambilisha muli ici citabo, kuti mwatendeka isambililo muli broshuwa itila Mulekutika Kuli Lesa nelyo itila Mulekutika Kuli Lesa pa Kuti Mukekale Umuyayaya.

◼ Mu 2014 Icibukisho cikabako pali Cimo pa April 14.

◼ Bakasabankanya abakalabomba bupainiya bwa kwafwilsha mu March 2013 kuti basalapo abene ama-awala ayo bengabomba mu mweshi nampo nga ni 30 nelyo 50. E lyo kangalila wa muputule nga akatandalila icilonganino mu March, ninshi bonse abalebombako bupainiya bwa kwafwilisha, kuti basangwa ku kukumana kwa bapainiya konse fye uko kangalila wa muputule akwata na bapainiya ba nshita yonse.