Ifya Kubilisha

◼ Impapulo sha kushalika mu March na April: Ulupungu lwa kwa Kalinda na Loleni! Nga mwabwelelako, kuti mwabalanga icitabo ca Baibolo Isambilisha, nelyo nga nacilinga kuti mwatendeka isambililo muli broshuwa itila Mulekutika Kuli Lesa nelyo itila Mulekutika Kuli Lesa pa Kuti Mukekale Umuyayaya. May na June: Bakasabankanya kuti bashalika amatrakiti ayakonkapo: Ipakishe Ubumi Bwa Lupwa, Nani Mu Cituntulu Ateka Icalo?, nelyo Bushe Kuti Mwatemwa Ukwishiba Icine? Nga batemwa ifyo mwalanshanya nabo, balangeni ifyo tusambilila Baibolo ukubomfya icitabo ca Baibolo Isambilisha nelyo broshuwa iyitila Mulekutika Kuli Lesa nelyo itila Mulekutika Kuli Lesa pa Kuti Mukekale Umuyayaya.

◼ Icibukisho cikaba pali Cibili, pa 26 March, 2013. Nga ca kutila mulongana pali Cibili, kuti mwalongana pa bushiku bumbi muli uyo wine mulungu nga tapaba bambi ababomfya Ing’anda ya Bufumu pali ubo bushiku. Nga mwafilwa ukulongana Ukulongana kwa Mulimo, kampanya we bumba lya baeluda afwile ukwalulako mumo mumo pa kuti amalyashi ayakumine sana icilonganino cenu yakalandwe muli uyo wine mweshi. Ifilonganino ifikakwata kangalila wa muputule mu mulungu wa Cibukisho bafwile bakwata ukulongana kwa pali Cibili ubushiku bumbi muli uyo wine mulungu.