Finshi Mukalacita Nga Kuli Holide?

Apo abantu abengi balaba pa mayanda nga kuli holide ya fya mapepo nelyo iili yonse, ninshi inshiku sha maholide ni nshiku ishisuma sana isha kuya mu kushimikila. E ico, tulekoselesha ifilonganino fyonse ukulaya mu kushimikila nga kuli holide. Nga ca kuti abantu abengi tababuuka bwangu nga kuli holide, kuti cawama mwa-alula inshita ya kukumana kwa kuya mu kushimikila. Nga mwapekanya ukuti mukaye mu kushimikila nge cilonganino pa bushiku kuli holide, kuti mwabilisha pa Kulongana kwa Mulimo no kukoselesha bonse abengakwanisha ukwisabombako. Ca cine ukuti nga kuli holide na ifwe tulafwaya ukutuusha no kubombako imilimo imbi. Na lyo line, kuti cawama mwapaatulako inshita ya kushimikila ukucila ukuwisha akasuba mulecita fye ifya pa lwenu. Nga mwabombako umulimo wa kwa Lesa mukaba sana ne nsansa.—Mat. 11:29, 30.