Ifya Kubilisha

Impapulo sha kushalika mu March na April: Ulupungu lwa kwa Kalinda na Loleni! May na June: Bushe Cinshi Baibolo Isambilisha? nelyo trakiti iili yonse pali aya: Bushe Mutila Baibolo ni Cinshi?, Bushe Mutontonkanya Ukuti Ifintu Fikaba Shani ku Ntanshi?, Cinshi Cingalenga Ulupwa Ukuba ne Nsansa?, Nani Ateka Cino Calo?, Bushe Ukucula Kukatala Akupwa?, Bushe Cine Cine Abafwa Kuti Baba aba Mweo na Kabili?

Icibukisho cikaba pali Cimo, pa 14 April, 2014. Nga ca kutila mulongana pali Cimo, mu mulungu wa Cibukisho mukaseseshe ukulongana pa bushiku bumbi muli uyo wine mulungu kulila fye tapaba icilonganino icibomfya Ing’anda ya Bufumu pali ubo bushiku. Lelo nga mwafilwa ukusanga ubushiku bwa kulonganinapo ninshi kampanya we bumba lya baeluda afwile ukwalulako ukulongana mu milungu imbi iya mu April pa kuti amalyashi ya mu Kulongana kwa Mulimo ayalekuma sana icilonganino cenu ayali no kulandwa mu mulungu wa Cibukisho yengalandwa mu milungu iikakonkapo.

Ukutendeka mu March 2014, bakangalila ba muputule bakalalanda ilyashi lya ku cintubwingi ilikalati “Nomba Line Tuli no Kulubuka ku Macushi ya mu Calo.”