Sekeleleni mwi Subilo Mwakwata

Isubilo lyaba nge nanga. (Heb. 6:19) Lilatwafwa ukukanacita ifingalenga twabunda mu fya kwa Lesa ifyaba nga mabimbi ya pali bemba. (1 Tim. 1:18, 19) Ifyaba nga mabimbi ya pali bemba fintu pamo nga ukumfwa ububi pa fyatucitikila, ukulofya icuma, ukulwalilila, ukufwilwa umutemwikwa nelyo amafya yambi ayalenga bucishinka bwesu ukweshiwa.

Icitetekelo ne subilo filatwafwa ukucetekela ukuti tukalambulwa ku ntanshi. (2 Kor. 4:16-18; Heb. 11:13, 26, 27) Kanshi nampo nga twakwata isubilo lya kwikala ku muulu nelyo pano isonde, tufwile ukulatontonkanya pa fyo Lesa atulaya ifyaba mu Cebo cakwe pa kuti isubilo twakwata lilekoselako. Ukucita ifi kukatwafwa ukulasekelela nangu fye ni lintu amafya yatusakamika.—1 Pet. 1:6, 7.

TAMBENI VIDIO IITILA SEKELELENI MWI SUBILO MWAKWATA, LYENA MWASUKE IFI FIPUSHO:

• Cinshi tulingile ukupashanishisha Mose?

• Mulimo nshi uo imitwe ya ndupwa bakwata?

• Malyashi nshi mwingalanshanyapo pa Mapepo ya Lupwa?

• Bushe isubilo kuti lyamwafwa shani ukulashipikisha amafya?

• Finshi mufwaisha ukwisamona ku ntanshi?