Abena Kristu ba Cine Beshibikilwa ku fyo Batemwana—Mwilafwaya fye Ukuisekesha Kabili Mwilakalifiwa

ICO CACINDAMINA: Yesu asambilishe ukuti abasambi bakwe bali no kwishibikilwa ku fyo batemwana. (Yoh. 13:34, 35) Nga tulefwaya ukuba no kutemwa ngo kwakwete Yesu, tulingile ukubika amano ku fyo abantu bambi balefwaya kabili tatufwile ukulakalipa bwangu.—1 Kor. 13:5.

IFYO MWINGACITA:

• Nga ca kuti umo alanda nelyo acita ifya mukalifya, mulebala mwatekanya no kutontonkanya pa ca cilenga alande nelyo acite ifya mukalifya e lyo ne fingafumamo nga mwacita ifyo mulepanga ukucita.—Amapi. 19:11

• Muleibukisha ukuti bonse tatwapwililika, kabili limo na ifwe tulalanda nelyo tulacita ifilenga twalanguluka pa numa

• Mulepwisha ubwafya bwangu bwangu

TAMBENI VIDIO IITILA “MULETEMWANA”—MWILAFWAYA FYE UKUISEKESHA KABILI MWILAKALIFIWA, LYENA ASUKENI FIPUSHO FYAKONKAPO:

• Finshi munyina Lombe acilanda ifyacilanga ukuti tacitemwa ifyo munyina Mwamba acimweba?

• Bushe filya munyina Mwamba acibala atontonkanyapo pa fya kwasuka fyacimwafwa shani ukukanakalipa bwangu?

• Bushe filya munyina Mwamba aciba uwafuuka pa kwasuka fyacilenga shani bepusana?