Bushe Mulafwaya Yehova Aleasuka Amapepo Yenu

Mu Baibolo mwaliba amapepo ayengi ayo Yehova a-aswike. Ilyo ababomfi ba kwa Lesa balemona ifyo Yehova aleasuka amapepo yabo ne fyo alebafwa, ukwabula no kutwishika icitetekelo cabo calekoselako nga nshi. Kanshi tulepepa amapepo ya mu kulungatika kabili tulebikako amano pa kuti tulemona ifyo Yehova aleasuka amapepo yesu. Tuleibukisha ukuti limo ifyo engasuka amapepo yesu kuti fyapusanako nelyo ukucila na pa fyo twale-enekela. (2 Kor. 12:7-9; Efes. 3:20) Finshi Yehova e ngacita pa kwasuka amapepo yesu?

• Kuti atupeela amaka no mutende ifingalenga twalashipikisha amafya.—Fil. 4:13

• Kuti atupeela amano ayengatwafwa ukulapingula bwino pa fintu.—Yako. 1:5

• Kuti atupeela amaka ya kufwaya e lyo no kucitapo cimo.—Fil. 2:13

• Kuti atwafwa ukuba no mutende nga natusakamikwa sana.—Fil. 4:6, 7

• Kuti alenga abantu batwafwa mu fyo tulekabila e lyo no kutusansamusha.—1 Yoh. 3:17, 18

• Kuti aafwa abantu abo tupepelako.—Imil. 12:5, 11

TAMBENI VIDIO ITILA YEHOVA ‘ALOMFWA AMAPEPO,’ LYENA ASUKENI AMEPUSHO YALI PE SAMBA:

• Bushe ilyashi lya kwa munyinefwe Shimizu kuti lyatukoselesha shani nga ca kuti tulalwalilila?

• Kuti twapashanya shani munyinefwe Shimizu?