MARCH 17-23
AMAPINDA 5
Ulwimbo 122 ne Pepo | Amashiwi ya Kutendekelapo (1 min.)
1. Muletaluka Sana ku Bulalelale
(10 min.)
Abantu balatunkwa sana ukucita ubulalelale (Amapi. 5:3; w00 7/15 ibu. 29 para. 1)
Umuntu nga acita ubulalelale alomfwa sana ububi kabili alalanguluka (Amapi. 5:4, 5; w00 7/15 ibu. 29 para. 2)
Muletaluka sana ku bulalelale (Amapi. 5:8; w00 7/15 ibu. 29 para. 5)
Umukashana umwina Kristu akana ukupeela umulumendo namba yakwe iya foni
2. Ukufwayafwaya Icuma Icaba mu Cebo ca kwa Lesa
(10 min.)
Amapi. 5:9—Bushe ukucita ubulalelale kulenga shani umuntu ‘bamusuula’? (w00 7/15 ibu. 29 para. 7)
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Amapi. 5:1-23 (th isambililo 5)
4. Ifyo Mwingatendeka Ukulanshanya
(3 min.) UBUNTE BWA KU CINTUBWINGI. Iteni umuntu uwakulila mu lupwa ulushili lwa ba Nte ku Cibukisho, kabili mulangeni pa jw.org icifulo apakabela Icibukisho mupepi no ko ekala. (lmd isambililo 6 icishinka 4)
5. Nga Mwabwelelako
(4 min.) KU NG’ANDA NE NG’ANDA. Lanshanyeni no muntu uwapokele akapepala kakwitilapo abantu ku Cibukisho kabili uwalefwaya ukwishibilapo na fimbi. (lmd isambililo 9 icishinka 5)
6. Ukulenga Abantu Baba Abasambi
(5 min.) lff isambililo 16 ifyo musambilile, ukupitulukamo, na ifyo mwingacita. Umusambi nga aipusha nga ca kuti Yesu alyupile, mulangeni ifyo engacita pa kusanga icasuko. (lmd isambililo 11 icishinka 4)
Ulwimbo 121
7. Ifyo Mwingacita pa Kuti Mutwalilile Ukuba Abasanguluka Ilyo Muleishishanya
(15 min.) Lanshanyeni icipande ne bumba.
Ukwishishanya kuti twa kulondolola ukuti “Umwaume no mwanakashi nga baleba pamo no kulacita ifilanga ukuti balitemwana ninshi baleishishanya.” Kuti bacita ifi ilyo bali pa cintubwingi, ilyo bali beka, nga balyebako abantu, mu bumfisolo, ilyo bali pamo, balatumishanya amafoni nelyo ukulembeshanya amameseji. Tatufwile ukulamona ukwishishanya ngo kwangala, lelo tufwile ukulamona ukuti ni nshila iyacindama iyafwa abantu ukumona nga kuti baupana nelyo iyo. Finshi fingafwa abaleishishanya nampo nga baice nelyo bakalamba, pa kuti tabacitile ubulalelale ilyo baleishishanya?—Amapi. 22:3.
Tambeni VIDIO itila Ifyo Mwingaipekanya Ilyo Tamulaupa Nelyo Ukuupwa—Ulubali 1: Bushe Ninjipekanya Ukutendeka Ukwishishanya?—Iyo Baipifya. Lyena ipusheni ibumba aya amepusho:
Mulandu nshi umuntu ashilingile ukutendekela ukwishishanya ilyo ashilafikapo ukuupa nelyo ukuupwa? (Amapi. 13:12; Luka 14:28-30)
Finshi mwacitemwa pa fyo abafyashi baafwile umwana wabo umukashana?
Belengeni Amapinda 28:26. Lyena ipusheni ibumba aya amepusho:
Bushe abaleishishanya kuti bacita shani pa kuti tabaleba fye babili ica kuti batunkwa ukucita ubulalelale?
Mulandu nshi cawamina abaleishishanya ukusuminishanya ifyo balingile ukulacita, e lyo ne fyo bashilingile ukulacita pa kulanga ukuti balitemwana, ifintu pamo nga ukwikatana amaboko e lyo no kutomona?
Belengeni Abena Efese 5:3, 4. Lyena ipusheni ibumba ici cipusho:
Finshi abaleishishanya bafwile ukucenjelako ilyo balelanshanya pa foni nelyo pa intaneti?
8. Isambililo lya Baibo Ilya pa Cilonganino
(30 min.) bt icipa. 24 amapara. 1-6