APRIL 28–MAY 4

ICUMA ICABA MU CEBO CA KWA LESA

1. Wifilanda!

(10 min.)

Wilalanda ifingakalifya umunobe (Amapi. 11:9; w02 5/15 ibu. 26 para. 4)

Wilalanda ifyabipa (Amapi. 11:11; w02 5/15 ibu. 27 amapara. 2-3)

Wilasokolola inkaama (Amapi. 11:12, 13; w02 5/15 ibu. 27 para. 5)

Bamunyinefwe babili balelanshanya pa Ng’anda ya Bufumu. Munyinefwe umo alelanda ifyabipa pali munyinefwe umbi uuleisa apo beminine.

IFYA KUTONTONKANYAPO: Bushe amashiwi Yesu alandile pali Luka 6:45 kuti yatwafwa shani ukukanalalanda ifyabipa?

2. Ukufwayafwaya Icuma Icaba mu Cebo ca kwa Lesa

(10 min.)

Amapi. 11:17—Bushe tunonkelamo shani nga tuli ne cikuuku? (g20.1 ibu. 11, akabokoshi)

Lembeni icasuko
Cuma nshi mwasangile ilyo mwalebelenga Baibo uno mulungu?

Lembeni icasuko

3. Ukubelenga Baibo

(4 min.) Amapi. 11:1-20 (th isambililo 5)

IFYO TWINGACITA PA KUTI TULEBILA BWINO IMBILA NSUMA

4. Ifyo Mwingatendeka Ukulanshanya

(4 min.) UBUNTE BWA MU LYASHI. Esheni ukusanga inshila iingalenga mwaebako umuntu pa fyo mwasambilile pa kulongana kwa nomba line. (lmd isambililo 2 icishinka 4)

5. Nga Mwabwelelako

(4 min.) UBUNTE BWA MU LYASHI. Tambisheni umuntu vidio iyaba pa Impapulo Tubomfya Sana pa Kusambilisha Abantu. (lmd isambililo 8 icishinka 3)

6. Ukulenga Abantu Baba Abasambi

(4 min.) UBUNTE BWA KU CINTUBWINGI. Ipusheni umuntu nga kuti atemwa ukusambilila Baibo kabili mulangeni ne fyo isambililo lya Baibo liba. (lmd isambililo 10 icishinka 3)

IFYO FWE BENA KRISTU TULINGILE UKULAIKALA

7. Mwilalanda Ifintu Ifingonaula Umutende

(15 min.) Lanshanyeni icipande ne bumba.

Pa mulandu wa kuti tatwapwililika, kuti twalanda ifingapunwisha bambi. (Yako. 3:8) Nalyo line, nga ca kuti tuletontonkanya pa mafya ayengafuma mu kulanda ifyabipa, tukalaesha na maka ukukanalalanda ifingalenga twaumfwa ububi pa numa. Moneni fimo ifyo twingalanda ifingonaula umutende mu cilonganino:

Ukuba ne cilumba icabipisha. Ukulanda amashiwi ya kuilumbanya kuti kwalenga abantu bambi batendeka ukufwaya ukucimfyanya na imwe nelyo balamufimbila.—Amapi. 27:2
Ukukanalanda icishinka. Aya mashiwi tayalanda fye pa kubepa ubufi, lelo yalosha na mu kulanda amashiwi ayengalufya abantu. Nangu fye bufi ubunono kuti bwalenga abantu baleka ukutucetekela kabili kuti cakuma ne fyo abantu batwishiba.—Luk. Mil. 10:1
Ulwambo ulwabipa. Cipilibula ukulanda ifyabipa pa bantu bambi e lyo na pa mikalile yabo, nelyo ukusokolola ilyashi lya nkama pali bena. (1 Tim. 5:13) Ici kuti calenga mwalaumana e lyo fye no kupusana na bantu
Ukukalipa pa kulanda. Cipilibula ukulanda amashiwi ukwabula ukuilama ilyo tulelanda ku bantu abatukalifye pa kuti tulange ifyo tuleumfwa. (Efes. 4:26) Ne ci kuti cakalifya bambi.—Amapi. 29:22

Ifikope ififumine muli vidio iileti “ ‘Mwilacita Ifingonaula Umutende—Iyo Baipifya.” 1. Ba Emily na ba Celia na bekala umo bashitisha ifya kulya. Ba Celia balelolesha pa fyo ba Haley babikile pa intaneti ukubomfya foni. 2. Ba Haley balelanda na ba Celia pa Ng’anda ya Bufumu ninshi na bakalipa.

Tambeni VIDIO itila Mwilacita Ifingonaula Umutende—Iyo Baipifya. Lyena lanshanyeni ici icipusho ne bumba:

Finshi mwasambililako ku fyo amashiwi tulanda yengonaula umutende mu cilonganino?

Lembeni icasuko

Pa kuti mumone icalengele batendeke ukumfwana na kabili, tambeni vidio itila “Mulecita Ifingalenga Mwatwalilila Ukuba no Mutende.”

8. Isambililo lya Baibo Ilya pa Cilonganino

(30 min.) bt icipa. 25 amapara. 14-21