JANUARY 19-25

ICUMA ICABA MU CEBO CA KWA LESA

1. “Uyu e Lesa Wesu!”

(10 min.)

Twalikwata imilandu iingi iya kutashishapo Lesa wesu, Yehova (Esa. 25:9; cl ibu. 15 para. 21)

Alitulaya ukuti mu calo cipya akatupeela ifintu ifingi nga nshi kabili ifisuma, ukubikako fye ne fya kulya ifisuma ifingi (Esa. 25:6; w24.12 ibu. 6 para. 14)

Akatupeela umweo wa muyayaya (Esa. 25:7, 8; w25.01 amabu. 28-29 amapara. 11-12)

Munyinefwe umukote naikala pa njinga yendelapo abalemana, kabili alebila imbila nsuma ku mwaume uumusakamana.

YIPUSHENI AMUTI, ‘Ilyo nkalabomba imilimo momba cila bushiku, ni bani nkebako pa fyo Yehova atulaya?’

2. Ukufwayafwaya Icuma Icaba mu Cebo ca kwa Lesa

(10 min.)

Esa. 24:2—Bushe ifyo balemba amashiwi yaba pali ili lembo muli Baibo iyapitulukwamo iya Amalembo ya Calo Cipya, fyapusana shani ne fyo bayalembele muli Baibo ya kale? (w15-E 12/15 ibu. 17 amapara. 1-3-mwbr)

Lembeni icasuko
Cuma nshi mwasangile ilyo mwalebelenga Baibo uno mulungu?

Lembeni icasuko

3. Ukubelenga Baibo

(4 min.) Esa. 25:1-9 (th isambililo 10)

IFYO TWINGACITA PA KUTI TULEBILA BWINO IMBILA NSUMA

4. Ifyo Mwingatendeka Ukulanshanya

(3 min.) UBUNTE BWA KU CINTUBWINGI. Fwayeni ilyashi ilyo abantu bengatemwa ukumfwa. Balangeni ifya kusanga ifyebo pa jw.org. (lmd isambililo 1 icishinka 3)

5. Nga Mwabwelelako

(4 min.) KU NG’ANDA NE NG’ANDA. Lanshanyeni no muntu icine cimo icaba pa ifyebo fyalundwako A muli broshuwa itila Muletemwa Abantu. (lmd isambililo 9 icishinka 4)

6. Ukulondolola Ifyo Mwasuminamo

(5 min.) Icilangililo. ijwbq icipande 160—Umutwe: Mulandu Nshi Yesu Etilwa Ukuti Umwana wa kwa Lesa? (th isambililo 3)

IFYO FWE BENA KRISTU TULINGILE UKULAIKALA

7. Mulecetekela Sana Yehova Ilyo Mulesalapo Ifya Kucita nga Bamutwala ku Cipatala Nelyo nga Balefwaya Ukumulepula

(15 min.) Ukulanshanya.

Yehova alacingilila bonse ‘abashintilila pali ena ne mitima yabo yonse.’ (Belengeni Esaya 26:3.) Ilyo mulesalapo ifya kucita nga bamutwala ku cipatala nelyo nga balefwaya ukumulepula, mulekonka ifyo icilonganino cakwe citweba. Nga mulecita ifi ninshi mulelanga ukuti mwalicetekela Yehova.

Ifikope ififumine muli vidio itila “Bushe Mwalipekanya Ifyo Mwingacita nga Mwalwalisha?” 1. Munyinefwe alefwailapo ifyebo muli Baibo e lyo na mwisambililo 39 ilya citabo citila “Kuti Mwaba ne Nsansa Umuyayaya”. 2. Munyinefwe alelemba kardi ya DPA. 3. Munyinefwe uwa mu HLC atumina uwa bwananyina foni pa kuti amukoseleshe. 4. Nkashi alepeela ba dokota amapepala ya ku cipatala.

Tambeni VIDIO itila Bushe Mwalipekanya Ifyo Mwingacita nga Mwalwalisha? Lyena ipusheni ibumba ifi fipusho:

Fintu nshi fitatu ifingatwafwa nga ca kuti batutwala ku cipatala nelyo nga balefwaya ukutulepula?

Lembeni icasuko
Bushe amaformu umwaba ifyebo fya ku cipatalaa yatwafwa shani?

Lembeni icasuko
Ni lilali cingaba bwino ukutumina ba HLC?

Lembeni icasuko
Bushe mumfwa shani pali ishi nshila ishisuma isho Yehova atupekanishisha?

Lembeni icasuko

Amashiwi yaba pali Esaya 26:3 ayatila “mukatwalilila ukubapeela umutende” tayapilibula ukuti Yehova akulatucingilila ku malwele. Na lyo line, nga ca kuti natulwala, alabomfya icilonganino cakwe pa kutupeela ifyo tukabila ifilenga tuleumfwa ukuti natucingililwa kabili twilasakamikwa sana.

8. Isambililo lya Baibo Ilya pa Cilonganino

(30 min.) rr icipa. 9 amapara. 1-9 na vidio

Amashiwi ya Kusondwelela (3 min.) | Ulwimbo 93 ne Pepo

a Kuti mwapoka aya amaformu kuli baeluda nga ca kuti muleyakabila: Ifyebo Kuli Banamayo Abali pa Bukulu (S-401), Ifyebo fya Balwele Abalekabila Ukubalepula kwa ku Cipatala Nelyo Chemotherapy (S-407), na Information for Parents Whose Child Requires Medical Treatment (S-55)