MARCH 23-29
ESAYA 48-49
Ulwimbo 89 ne Pepo | Amashiwi ya Kutendekelapo (1 min.)
1. Mulecita Ifyo Yehova Amusambilisha
(10 min.)
Yehova alasambilisha ababomfi bakwe (Esa. 48:17; it-E “Kasambilisha, Ukusambilisha” para. 2)
Mulecita ifyo Yehova atusambilisha (Esa. 48:18a; ijwbq icipande 44 amapara. 2-3)
Nga tulecita ifyo Yehova atusambilisha, umutende wesu ukuba “ngo mumana” no bulungami bwesu bukaba “nga mabimbi ya pali bemba” (Esa. 48:18b; lv ibu. 198 para. 8)
UBULONDOLOSHI: Ishiwi lya ciHebere ilyo bapilibula ukuti “umutende” kuti lyapilibula no kuti ukuba no bumi ubusuma, ukucingililwa, ifintu ukutwendela bwino, ukukwata ifibusa nelyo ukukwata fyonse.
2. Ukufwayafwaya Icuma Icaba mu Cebo ca kwa Lesa
(10 min.)
Esa. 49:8 —Bushe ubusesemo bwaba pali ili ilembo bwafikilishiwe shani pa miku itatu? (it-E “Inshita Yalinga” amapara. 1-3)
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Esa. 48:9-20 (th isambililo 11)
4. Ifyo Mwingatendeka Ukulanshanya
(3 min.) UBUNTE BWA MU LYASHI. Iteni lupwa lwenu uwaleka ukulongana ku lyashi lyaibela na ku Cibukisho. (lmd isambililo 5 icishinka 3)
5. Nga Mwabwelelako
(4 min.) UBUNTE BWA MU LYASHI. Londolweleni umuntu uulefwaya ukwisa ku Cibukisho ifyo tucita ilyo tuleibukisha imfwa ya kwa Yesu. (lmd isambililo 9 icishinka 3)
6. Nga Mwabwelelako
(5 min.) UBUNTE BWA MU LYASHI. Pa numa fye ye lyashi lya Cibukisho, asukeni amepusho ayo uo mwaitile ku Cibukisho alemwipusha. (lmd isambililo 8 icishinka 3)
Ulwimbo 107
7. Ifyo Mwingacita pa Kuti Mulenonkelamo Sana pa Bushiku Ubwacindama Nga Nshi mu Mwaka
(15 min.) Lanshanyeni icipande ne bumba.
Nga tulesangwa ku Cibukisho cila mwaka, ninshi tulelanga ukuti tulakonka ifyo Yesu atwebele kabili tulatasha pa fyo Yehova atupeele icilubula. (Luka 22:19) Na kabili, Icibukisho cilalenga tuleibukisha ifyo Yehova na Yesu batutemwa. (Gal. 2:20; 1 Yoh. 4:9, 10) Finshi twingacita pa kulanga ukuti tulatasha pa fyo Yehova atupeela icilubula? Kuti twa-afwa shani abo tusambilisha Baibo pa kuti nabo baletasha pa fyo Yehova atupeela icilubula?
Mulebelenga amalembo tubelenga mu nshita ya Cibukisho kabili muletontonkanyapo sana pa fyo mulebelenga
Muletontonkanya sana pa cilubula ico Yehova atupeela e lyo na pa fyo mwingalacita ifilanga ukuti mulatasha pa cilubula
Mulebombako sana kampeni ya kwita abantu ku lyashi lyaibela na ku Cibukisho; kuti mwaitako abo mwaishibana nabo, balupwa lwenu e lyo na baba mu cifulo mubilamo imbila nsuma
Mulepokelela bwino abaleisa ku Cibukisho kabili mulemwentula pa kubaposha. Nangu ca kuti mufwile ukubika sana amano ku bo mwaitile, mufwile ukubika amano na ku bo mushaitile lelo abeshile ku Cibukisho, kabili kuti mwabeba ukuti mwikale nabo
Muleipekanya ukwasuka amepusho ayo abeshile ku Cibukisho bengamwipusha
Mulepokelela abaleka ukubila imbila nsuma no kulongana nga baisa ku Cibukisho. Baeluda bafwile ukuba pa ntanshi ukupokelela abafuma mu cilonganino nga baisa ku Cibukisho
Tambeni VIDIO itila Yesu “Aishile ku Kufwaya no Kupususha Abaluba.” Lyena ipusheni ibumba ici cipusho:
Finshi mwasambilila pa kupokelela bwino abaleka ukulongana nga baisa ku Cibukisho?
8. Isambililo lya Baibo Ilya pa Cilonganino
(30 min.) rr icipa 11. amapara. 9-17