APRIL 20-26
ESAYA 54-55
Ulwimbo 86 ne Pepo | Amashiwi ya Kutendekelapo (1 min.)
1. Finshi Mulingile Ukucita pa Kuti Yehova Alemusambilisha?
(10 min.)
Yehova alilaile ukuti akulasambilisha abana bakwe (Esa. 54:13; w09 9/15 ibu. 21 para. 3)
Tufwile ukulasangako inshita ya kuisambilisha icine (Esa. 55:1, 2; w18.11 ibu. 4 amapara. 6-7)
Tufwile ukulaibikilishako pa kuti tuleumfwila ifyo Yehova atusambilisha, kabili ukucita ifi kwalicindama pantu kukalenga tukapusuke (Esa. 55:3; be ibu. 14 amapara. 3-5)
YIPUSHENI AMUTI, ‘Finshi ningacita ifingalenga nalaisambilisha bwino Baibo?’
2. Ukufwayafwaya Icuma Icaba mu Cebo ca kwa Lesa
(10 min.)
Esa. 54:17—Fintu nshi fitatu ifyacindama ifyo amashiwi ya kubalilapo ayaba pali ili ilembo yalandapo? (w19.01 ibu. 6 amapara. 14-15)
Cuma nshi mwasangile ilyo mwalebelenga Baibo uno mulungu?
3. Ukubelenga Baibo
(4 min.) Esa. 54:1-10 (th isambililo 11)
4. Ifyo Mwingatendeka Ukulanshanya
(2 min.) KU NG’ANDA NE NG’ANDA. Ebeniko umuntu icine cimo icaba pa ifyebo fyalundwako A muli broshuwa itila Muletemwa Abantu. (lmd isambililo 1 icishinka 4)
5. Ifyo Mwingatendeka Ukulanshanya
(2 min.) UBUNTE BWA KU CINTUBWINGI. Ebeniko umuntu icine cimo icaba pa ifyebo fyalundwako A muli broshuwa itila Muletemwa Abantu. (lmd isambililo 2 icishinka 3)
6. Nga Mwabwelelako
(2 min.) UBUNTE BWA KU CINTUBWINGI. Peeleni umuntu kardi apaba webusaiti yesu. (lmd isambililo 9 icishinka 3)
7. Ilyashi
(5 min.) be ibu. 28 para. 3–ibu. 31 para. 2—Umutwe: Ifyo Twingacita pa Kuisambilisha. (th isambililo 14)
Ulwimbo 97
8. Mwilaleka Icili Conse Calenga Mwaleka Ukuisambilisha Baibo
(15 min.) Lanshanyeni icipande ne bumba.
Kwaliba ifingi ifingalenga twalafilwa ukulaisambilisha Baibo lyonse. Elenganyeni ukuti mufwile ukukoselesha Umwina Kristu munenu uo cikosela ukulaisambilisha lyonse e lyo no kulabelenga Baibo cila bushiku. Amulondolwela amafya yakonkapo ayalenga alefilwa ukulaisambilisha lyonse. Pa bwafya bumo na bumo, lembenipo ifyo mwingamweba ukucita pa kuti apwishe ubo ubwafya, lyena mulembepo ne shinte lye funde nelyo ulupapulo ifingamwafwa.
“Nshibelenga bwino”
“Nshatemwa ukuisambilisha Baibo”
“Nshaishiba apo ningatendekela ukubelenga Baibo e lyo ne fipandwa nelyo ifikomo mfwile ukubelenga cila bushiku”
“Ifyebo fya kubelenga fyalifulisha! Finshi ningile ukulaisambilisha cila mulungu?”
“Nalikwata ifya kucita ifingi ica kuti cilankosela ukusanga inshita ya kuisambilisha Baibo”
“Cilankosela ukubika amano ku fyo ndeisambilisha, kabili inshita shimo ndalaba ifyo nafuma mu kubelenga”
Tambeni VIDIO itila Ifyo Mwingacita pa Kuti Muleisambilisha Bwino Baibolo. Lyena ipusheni ibumba ici cipusho:
Finshi mwacitamba muli vidio ifyo mwacitemwa sana ifingalenga mwalaisambilisha bwino Baibo?
9. Isambililo lya Baibo Ilya pa Cilonganino
(30 min.) rr icipa. 12 amapara. 7-14