Balibomba Bupainiya Bwaibela pa Myaka 50

MU 1964, balintumine ukuyabomba bupainiya bwaibela ku Manokwari mu West Papua, umwali icilonganino icakwete abantu abanono abo balecusha kuli bashimapepo. Ilyo nafikile fye, shimapepo wa ku calici lya baProtestanti alishile pa ng’anda yandi ninshi nakalipa sana.

Atile “Nalaonaula ing’anda yobe kabili nalaipaya ne Nte sha kwa Yehova aba mu Manokwari.”

Lelo apo nali kapokola, nshatiinine. Nalimwaswike fye bwino mu mutekatima, kabili aliile ukwabula ukucita nangu cimo icibi.—1 Pet. 3:15

Pali ilya nshita mu Manokwari mwali fye bakasabankanya 8. Nomba napapita ne myaka 50, mu Manokwari mwaba ifilonganino 7. Abantu ukucila pali 1,200 balisangilwe ku kulongana kwa citungu ukwa mu 2014. Nga namona ifyo Yehova acita muli ino incende iyabela ukutali, ndomfwa bwino sana.