Mu Calo Mwaliba Sana Amafya—Kuti Mwacita Shani pa Kuti Muleshipikisha?
Bushe na imwe mulecula sana pa mulandu wa mafya ayafulile mu calo? Bushe ku ncende mwikala amafya ayali pe samba yalacitika?
inkondo
ifikuko
amasanso ayakalamba
ubupiina
akapaatulula
ubunkalwe
Nga kwacitika ifyabipa, abantu abo ficitikile balasakamikwa sana kabili ici cilenga baleka ukuba ne subilo, e lyo bambi bena balapelenganishiwa. Na lyo line umuntu nga nakwata amafya e lyo apelenganishiwa ifintu filabipilako.
Ifyabipa nga fyacitika tulingile ukucitapo fimo pa kuti tucingilile ubumi bwesu, abatemwikwa besu, ifyo twakwata e lyo no kulacitapo fimo ifingalenga twaba ne nsansa.
Finshi mulingile ukucita pali ino nshita pa kuti mwilasakamikwa sana pa mulandu na mafya mulekwata muli cino calo?