Intendekelo

Bushe mulasakamikwa pa mulandu ne fyo imitengo ya fintu ileilako fye pa muulu? Bushe mulabomba pa nshita iikalamba ukucila ifyo mwalebomba kale pa kuti fye mukwate ifyo mukabila? Bushe tamukwata nshita iya kuba pamo na balupwa ne fibusa? Ifi nga e fyo caba, muli no kumona ifyo mwingacita muli ino Loleni! Ino magazini nailanda pa fyo mwingacita pa kuti mwingaba ne nsansa kabili mwilasakamikwa sana. Icipande cilekelesheko nacilanda pa fyo ifintu fikawama ku ntanshi ne fyo ukwishiba ici icishinka kwingalenga mwaba ne nsansa na pali ino nshita.