Watchtower LAIBRARE YA PA INTANETI
Watchtower
LAIBRARE YA PA INTANETI
Cibemba
  • BAIBOLO
  • IMPAPULO
  • UKULONGANA
  • my ilyashi 67
  • Yehoshafati Alicetekele Yehova

Vidio mulefwaya tamuli

Mukwai yafilwa ukutambika

  • Yehoshafati Alicetekele Yehova
  • Icitabo ca Malyashi ya mu Baibolo
  • Ifipalileko
  • Yehova Acingilila Yehoshafati
    Ifyo Wingasambilila ku Malyashi ya mu Baibolo
  • Bushe Mwakulabika Amano ku Fyalembelwe Kale?
    Ulupungu lwa kwa Kalinda (Ulwa Kusambililamo)—2017
  • Mulemona Abantu nge fyo Yehova Abamona
    Imikalile ya Bwina Kristu no Mulimo Tubomba—Akatabo ka Kubomfya pa Kulongana—2023
  • Mulebombela Yehova no Mutima Onse!
    Ulupungu lwa kwa Kalinda (Ulwa Kusambililamo)—2017
Moneni na Fimbi
Icitabo ca Malyashi ya mu Baibolo
my ilyashi 67
The singers who are in front of Jehoshaphat’s army

ILYASHI 67

Yehoshafati Alicetekele Yehova

BUSHE naubeshiba aba abaume abali pa cikope kabili cinshi balecita? Aba abaume baleya ku bulwi, kabili abaume abali pa ntanshi baleimba. Cinshi abaume abaleimba bashikwatile impanga na mafumo ifya kulwilako? Leka tumone icalengele.

Yehoshafati ali ni mfumu iyaleteka imikowa ibili iya bena Israele. Ali pa calo pa nshita imo ine ne Mfumu Ahabu na Yesebele abaali mu bufumu bwa ku kapinda ka ku kuso umwali imikowa 10. Lelo Yehoshafati ali imfumu iisuma kabili Asa, wishi na o ali imfumu iisuma. E ico pa myaka iingi, abantu abali mu bufumu bwa ku kapinda ka ku kulyo umwali imikowa ibili baleikala bwino.

Lelo kwalicitike icintu cimo icalengele abantu ukuba no mwenso. Abantu baebele Yehoshafati abati: ‘Kuli abantu abengi abafumine ku calo ca Moabu, na ku calo ca Amone, e lyo na ku Lupili lwa Seiri abalefwaya ukumulwisha.’ Abena Israele abengi balilongene mu Yerusalemu ku kulomba ukuti Yehova abafwe. Baile kwi tempele kabili kulya Yehoshafati apepele ati: ‘Mwe Yehova Lesa wesu, tatwishibe ifya kucita. Tatukwete amaka ya kulwisha aba abantu abengi. Tulefwaya ukuti mutwafwe.’

Yehova alyumfwile ipepo, kabili aebele umubomfi wakwe ukweba abantu ati: ‘Inkondo te yenu, ya kwa Lesa. Imwe tamwakalweko. Mukaletamba fye no kumona ifyo Yehova akamupususha.’

E ico ulucelo Yehoshafati aebele abantu ati: ‘Cetekeleni Yehova!’ Lyena abikile bakemba pa ntanshi ya bashilika, kabili ilyo bale-enda, baleyabaleimbila Yehova inyimbo sha kumutasha. Bushe nawishiba icacitike ilyo bali mupepi no kufika ku nkondo? Yehova alengele abalwani ba bena Israele ukutendeka ukwipayana. Ilyo abena Israele bafikile, basangile abalwani babo bonse nabafwa!

Yehoshafati alicitile bwino ukucetekela Yehova, bushe te ifyo? Na ifwe tufwile ukucetekela Yehova.

1 Ishamfumu 22:41-53; 2 Imilandu 20:1-30.

    Impapulo sha mu Cibemba (1982-2025)
    Isaleni
    Isuleni
    • Cibemba
    • Peleniko Bambi
    • Ifyo Mwingasala
    • Copyright © 2025 Watch Tower Bible and Tract Society of Pennsylvania
    • Ifya Kubomfya
    • Amafunde Yesu
    • Privacy Settings
    • JW.ORG
    • Isuleni
    Peleniko Bambi