‘Ilyo Yehova Aimishe Abapingushi’
KUTI mwasanga Ulupili lwa Tabore (F4) pali mapu—pa kati ka kapinda ka kulyo na masamba ya Bemba wa Galili, mu Mupokapoka wa Yesreele. Esheni ukwelenganya abashilika 10,000 nabalongana pa muulu wa lupili. Yehova abomfeshe Umupingushi Baraki na kasesema mwanakashi Debora ukucincisha abena Israele bonse capamo ukulwisha Yabini, Imfumu ya Kanaani, iyalulunkenye abantu pa myaka 20. Amaceleta aya kwa Yabini 900 ayalimo ifyela fya kutiinya kabili ayaletungululwa na Sisera, mushika wa nkondo, yafumine ku Haroshete ukuya ku mulimba wauma uwa Kishone, pa kati ka Megido no Lupili lwa Tabore.
Umupingushi Baraki atungulwile abena Israele mu mupokapoka ku kulwa ne fita fya kwa Sisera. Yehova alengele bacimfya pa kutuma ilyeshi pa nshita inono ilyabunshishe amaceleta ya kwa Sisera, ne ci calengele abena Kanaani ukufulumuka ku mwenso. (Abap 4:1–5:31) Uko kwali kucimfya kumo fye pa kucimfya ukwingi Lesa apeele Israele mu nshita ya Bapingushi.
Ilyo bacimfishe Kanaani, bayakenye icalo ku mikowa ya bena Israele. Moneni uko imikowa yapusanapusana iishali ya bwina Lebi yaikele. Umukowa unono uwa kwa Simeone wapeelwe imisumba mu ncende ya Yuda. Ilyo Yoshua afwile, uluko lwaipoosele mu mibele yabipa ne mipepele iibi. Israele ‘alimaneme apakalamba,’ alelulunkanishiwa ku balwani. Mu cikuuku, “Yehova aimishe abapingushi”—abaume 12 aba citetekelo kabili abashipa—abalubwile Israele mu myaka 300.—Abap 2:15, 16, 19.
Umupingushi Gideone, abomfeshe abaume 300 fye pa kucimfye fita fya bena Midiani, 135,000. Aba baume tabali ne fyanso ifingi lelo bali abaswangana. Apo balwilile ni pa kati ka Lupili lwa Gilboa no lwa More. Ilyo bacimfishe pa kubala, Gideone afulumwine umulwani ku kabanga, ukuyafika mu matololo.—Abap 6:1–8:32.
Yefta, umwina Gileadi uwa mu mukowa wa kwa Manase, alubwile imishi ya bena Israele iya ku kabanga ka Yordani ku bena Amone aba lucu. Pa kuti acimfye, Yefta afwile apitile mu Musebo wa Mfumu, uwafumine ku Ramoti-gileadi ukufika ku Aroere.—Abap 11:1–12:7.
Imbuli sha kwa Samsone ku baPelishiti shabelele ku lulamba lwashinguluka Gasa na Ashkelone. Gasa abela mu ncende ya menshi iyaishibikilwa ku bulimi. Samsone abomfeshe bamumbwe 300 ku kukoleka umulilo mu mabala ya baPelishiti aya ngano, imyangashi, ne miolife.—Abap 15:4, 5.
Nga fintu calangililwa mu Baibolo nelyo nga fintu cingamonwa ukulingana no mukowa umo umo afumineko, abapingushi balibombeshe mu Calo Calaiwe conse. Konse uko fimo fyacitika, Yehova alesakamana bwino bwino abantu bakwe abalapila ilyo baba na mafya.
[Mapu pe bula 15]
(Nga mulefwaya ukumona mapu, moneni muli broshuwa)
Imikowa na Bapingushi
Abapingushi
1. Oteniele (Umukowa wa kwa Manase)
2. Ehudi (Umukowa wa kwa Yuda)
3. Shamigari (Umukowa wa kwa Yuda)
4. Baraki (Umukowa wa kwa Naftali)
5. Gideone (Umukowa wa kwa Isakari)
6. Tola (Umukowa wa kwa Manase)
7. Yairi (Umukowa wa kwa Manase)
8. Yefta (Umukowa wa kwa Gadi)
9. Ibsani (Umukowa wa kwa Ashere)
10. Elone (Umukowa wa kwa Sebuluni)
11. Abdone (Umukowa wa kwa Efraimu)
12. Samsone (Umukowa wa kwa Yuda)
Ifyo Ififulo Fyapeelwe ku Mikowa (Moneni muli broshuwa)
Imishi Yapatwililwe Manase
E4 Dore
E5 Megido
E5 Taanaki
F4 En-dore
F5 Bete-sheani (Bete-shani)
F5 Ibleamu (Gatirimone)
Imishi Yapatwililwe Simeone
C9 Sharuhene (Shaaraimu) (Shilihimu)
C10 Bete-lebaote (Betbiri)
D8 Etere (Tokene)
D9 Siklagi
D9 Aini
D9 Hasari-susa?
D9 Ashani
D9 Beere-sheba
D10 Hasari-shuali
E9 Etamu
E9 Bete-marikabote
E9 Betuele? (Kesili?)
E9 Sheba? (Yeshua)
E10 Baalati-beere (Baali)
E10 Esemu
Imisumba ya Kushinamo iya Bena Lebi
E8 Hebrone
E3 Kedeshe
F6 Shekemu
H4 Golani
H5 Ramote-gileadi
H8 Besere
Imisebo Ikalamba
B10 Via Maris
G10 Umusebo wa Mfumu
Imikowa ya Israele
DANI (D7)
D7 Yopa
E8 Sora
YUDA (D9)
C8 Ashkelone
C9 Gasa
C9 Sharuhene (Shaaraimu) (Shilihimu)
C10 Bete-lebaote (Betbiri)
C12 Asmone
C12 Kedeshe
D7 Yabineele
D8 Etere (Tokene)
D9 Siklagi
D9 Aini
D9 Hasari-susa?
D9 Ashani
D9 Beere-sheba
D10 Hasari-shuali
E8 Lehi
E8 Betlehemu
E8 Hebrone
E9 Etamu
E9 Bete-marikabote
E9 Betuele? (Kesili?)
E9 Sheba? (Yeshua)
E10 Baalati-beere (Baali)
E10 Esemu
ASHERE (E3)
E2 Turi
E4 Haroshete
E4 Dore
F1 Sidone
MANASE (E5)
E6 Shamiri (Samaria)
E6 Piratone
F6 Shekemu
G5 Abele-mehola
EFRAIMU (E7)
E7 Timnati-sera
F6 Tapua
F6 Shilo
F7 Betele (Lusi)
NAFTALI (F3)
F2 Beteanati
F3 Kedeshe
G3 Hasore
SEBULUNI (F4)
E4 Betlehemu
ISAKARI (F5)
E5 Megido
E5 Kedeshe (Kishione)
E5 Taanaki
F4 En-dore
F5 Beti-shita
F5 Bete-sheani (Bete-shani)
F5 Ibleamu (Gatirimone)
BENJAMINI (F7)
F7 Gilgali
F8 Yerusalemu
DANI (G2)
G2 Dani (Laishi)
MANASE (H3)
H4 Golani
GADI (I6)
G6 Sukote
G6 Penuele
G6 Mispa (Mispe)
G7 Yogebea
H5 Ramote-gileadi
H7 Raba
H7 Abele-keramimu
RUBENE (H8)
G7 Heshebone
G9 Aroere
H7 Miniti
H8 Besere
[Incende Shimbi]
I1 Damaseke
[Impili]
F4 Ulupili lwa Tabore
F4 More
F5 Ulupili lwa Gilboa
F6 Ulupili lwa Ebali
F6 Ulupili lwa Gerisimu
[Babemba]
C5 Bemba wa Mediterranean (Bemba Mukalamba)
F9 Bemba wa Mucele
G4 Bemba wa Galili
[Imimana ne milonga]
B11 U.M. uwa Egypt
F6 Umumana wa Yordani
G6 U.M. wa Yaboke
G9 U.M. wa Arnone
G11 U.M. uwa Serede
[Icikope pe bula 14]
Ulupili lwa Tabore, mu ncende ya kwa Isakari, lulamoneka pa muulu wa Mupokapoka wa Yesreele
[Icikope pe bula 14]
Kishone wapoosele abunshishe amaceleta ya kwa Sisera