Ulwimbo 48
Ukulaenda na Yehova Cila Bushiku
Ifimoneka Ulwapulintwa
(Mika 6:8)
1. Nshiku shonse tule-enda,
Na Yehova mu kuicefya.
Ni Lesa uwa cikuuku
Kuli bonse abamumfwila.
Alitupeela ishuko
Lya kuti twende nankwe.
E cilenga tuipeele
No kulamubombela pe.
2. Ino nshita ya ku mpela
Abalwani baletucusha.
Nga tatukosele sana
Kuti twabwelela ku numa.
Lelo Lesa ‘latusunga
Kuti tumubombele.
E co natumupalame
No kulamutemwa lyonse.
3. Lesa wesu atwafwila
Mu mupashi ne Cebo cakwe,
Mu cilonganino cakwe,
Na mu kwasuka amapepo.
Nga tule-enda na Lesa,
Akulatwafwilisha
Ukucite calungama,
No kuba abaicefya.
(Moneni na Ukute. 5:24; 6:9; 1 Isha. 2:3, 4.)