Bushe Yesu Aali Muntu wa Musango Nshi?

Yehova atumine Yesu ukwisa pe sonde. 1 Yohane 4:9

Nga tulefwaya ukucita ifyo Yehova engatemwa, tulingile ukukutika ku muntu na umbi uwacindama. Pa myaka iingi ilyo Yehova ashilabumba Adamu, apangile malaika mukalamba uwa maka mu muulu.

Mu kuya kwa nshita, Yehova amulengele ukwisafyalilwa mu Betelehemu kuli Maria nacisungu. Uyu mwana, bamwinike ati Yesu.—Yohane 6:38.

Ilyo ali pe sonde, Yesu alepashanya bwino bwino imibele ya kwa Lesa. Aali uwa nkumbu, alitemenwe abantu, kabili taifinishe. Tali no mwenso pa kusambilisha bambi icine pali Yehova.

Yesu alecita ifisuma lelo abantu balimupatile. 1 Petro 2:21-24

Yesu na kabili aleundapa abalwele kabili alibuushishe na bamo abafwile.

Bashimapepo balipatile Yesu pantu alebebelapo pa fisambilisho fya bufi ifyo balesambilisha abantu e lyo na pa fyo balecita ifyabipa.

Bashimapepo basembeleke abena Roma ukupuma Yesu no kumwipaya.