Ulwimbo 153
Bushe Mumfwa Shani?
Bushe mumfwa shani
nga muleshimikila,
E lyo mwafiko muntu
pa mutima wakwe?
Nga mulebombesha;
cishalila Yehova.
Uwaishiba bantu
bonse abafuuka.
(KORASI)
Tulasekelela nga nshi
‘kubila no mweo onse.
Natulelumbanya Lesa
inshiku shonse fye.
Bushe mumfwa shani
nga imbila mwabila
Yafika pa mutima
wa ufwayo mweo?
Bamo balakaana,
bambi balibabepa.
Lelo tatwakaleke
‘kubashimikila.
(KORASI)
Tulasekelela nga nshi
‘kubila no mweo onse.
Natulelumbanya Lesa
inshiku shonse fye.
Bushe mumfwa shani
pa fyo Lesa amwafwa,
Na pa mulimo’a tupa
‘wa kushimikila?
Pa kushimikila,
tulaba ne cikuuku,
Tufwaya abengomfwa;
inshita naipwa.
(KORASI)
Tulasekelela nga nshi
‘kubila no mweo onse.
Natulelumbanya Lesa
inshiku shonse fye.
(Moneni na Imil. 13:48; 1 Tes. 2:4; 1 Tim. 1:11.)