Amashiwi ya Kutendekelako mu Cipande 3

Baibo yalanda fye pa bantu abanono abalebombela Yehova pa numa ya Lyeshi. Pa bantu abalebombela Yehova pali na Abrahamu, uwaishibikwe ukuti ni cibusa wa kwa Yehova. Mulandu nshi balemwitila ukuti cibusa wa kwa Yehova? Nga muli bafyashi, afweni umwana wenu ukwishiba ukuti Yehova alimubikako amano kabili alafwaya ukumwafwa. Nga filya Abrahamu na baume bambi abali ne cishinka pamo nga Lote na Yakobo bacitile, na ifwe kuti twaeba Yehova ukuti aletwafwa. Kuti twacetekela ukuti fyonse ifyo Yehova alaya akafikilisha.