ULWIMBO 152
Icifulo Icikalenga Mulecindikwa
(1 Ishamfumu 8:27; 1 Imilandu 29:14)
1. Yehova kalenga wa myulu,
Ne sonde ni mwe mwabumba.
Imyulu taimukumana,
Ukubikako ne sonde.
Lelo mutupeelo mupashi,
Uulenga twikatane.
Nga twaipeelesho kubomba,
Mulaba ne nsansa nga nshi.
(ICIKOMO CA PA KATI)
Ni mwe mwatupeela
Fyonse ifyo twakwata.
Fyonse fyo twamupeela,
Fyafuma kuli ’mwe.
(KORASI)
Tulemutasha mwe Yehova
Mu lwimbo ulu twaimba.
Mwalitwafwo kukuule Ng’anda,
Pa kuti mukacindikwe.
2. Yehova mwalishibe ati
Twalekabile cikuulwa,
Icakwafwa abantu benu
No kwafwa abantu bambi.
Muletupaala mwe Yehova
Ici cifulo citwafwe
Ukulabomba umulimo
Umwana wenu atupa.
(ICIKOMO CA KULEKELESHA)
Fyonse ifisuma,
Fifuma kuli imwe.
E co mwalilingo
Kumupeele fisuma.
(KORASI)
Tulemutasha mwe Yehova
Mu lwimbo ulu twaimba.
Mwalitwafwo kukuule Ng’anda,
Pa kuti mukacindikwe.