Bushe Uleibukisha?

Bushe walisanga ishafumine isha nomba line isha Ulupungu lwa kwa Kalinda ukuba isha mutengo ubomba? Lyene mulandu nshi te kwesha ukwibukisha kobe ne fyakonkapo?

◻ Fishinka nshi fipaasha ukucindikisha icifulo catunganishiwa ica kufyalwa kwa kwa Yesu?

Baibolo tailumbula icifulo ca cine cine ica kufyalwa kwa kwa Yesu. Amabulondoloshi ya Malandwe ya kwa Mateo na Luka yapeela ifikabilwako fye epela. (Mateo 2:1, 5; Luka 2:4-7) Ukubelengwa kwa kwa Yohane 7:40-42 kulango kuti abantu mu cinkumbawile tabaishibe pa lwa cifulo ca kufyalwa kwakwe, bamo ukutontonkanya ukuti afyalilwe mu Galili. Na kabili, mu kati ka nshita ya butumikishi bwa bumi bwa kwa Yesu bwine ubwa pe sonde, tabalile asabankanya ukulonsha kwa kufyalwa kwakwe.—12/15, ibula 5.

◻ Ni shani ifyo Umwina Kristu engasungilila ubuseko ilintu alebomba ne fya kwesha ifya kulwala kwa ku mubili, ukupopomenwa, na mafya ya mu fya ndalama?

Icebo ca kwa Lesa cipayanya ukusansamusha kukabilwa no butungulushi. Pa kubelenga no kukutika ku malumbo, ukupembesulwa kukalamba ukwakabilwa kuti kwapayanishiwa. Davidi atufundile ukuti: “Poosa pali Yehova icisendo cobe icafina, wene [alekutungilila, NW].” Na kabili atwebekesho kuti Yehova mu cine cine ni “Komfwa we pepo.” (Ilumbo 55:22; 65:2, NW) Ukuteyanya kwa kwa Yehova, ukupitila mu mpapulo sha kuko na baeluda ba cilonganino, kwaliba lyonse ukwaipekanya ku kutwaafwa mu kushomboka ne mpika shesu.—1/1, amabula 14-15.

◻ Cinshi Yesu apilibwile lintu pa kuya kwakwe ku kupopelwa pa cimuti, asosele ukuti: “Nga bacite fi mu muti ubishi, kanshi cinshi cikacitwa mu wauma?” (Luka 23:31)

Yesu alelosha ku muti wa luko lwa ciYuda. Pa mulandu wa kubapo kwa kwa Yesu na bashalako abaYuda abasumine muli wene, uluko lwali lucili nalukwata umutonshi wa bumi muli lwene. Nangu cibe fyo, lintu aba basendwa ukufuma mu luko, umuti wafwa lwa ku mupashi weka fye e wali no kushala, ukuteyanya kwa luko ukwauma.—1/15, ibula 9.

◻ Ni shani ifyo “abasanguluka mu mitima,” abalandwa pali Mateo 5:8, (NW), “bamona Lesa”?

“Bamona Lesa” (NW) lintu bamumona alebomba pa lubali lwa bakasunga ba bumpomfu. (Linganyeniko Ukufuma 33:20; Yobo 19:26; 42:5.) Nangu cibe fyo, ishiwi lya ciGreek pali Mateo 5:8 ilyapilibulwa “mona” na kabili lipilibula “ukumona mu kuba no mutontonkanya, ukwiluka, ukwishiba.” Apantu Yesu mu kupwililika abelebeshe ubuntu bwa kwa Lesa, ukushilimuka muli ubo buntu kwalengele ‘abasanguluka mu mitima ukumona Lesa.’ (NW) (Yohane 14:7-9)—1/15, ibula 16.

◻ Mulandu nshi tusondolwela ukuti Yesu ni Mikaele mfumu-malaika?

Icebo ca kwa Lesa cilumbula imfumu-malaika imo fye, kabili cilanda ulwa uyo malaika ukulosha kuli Shikulu Yesu uwabuushiwa ukuti: “Shikulu umwine akeka mu mulu no kubilikisha kukalamba, kwi shiwi lya mfumu-malaika kabili ku ntandala ya kwa Lesa.” (1 Abena Tesalonika 4:16) Pali Yuda 9 tusango kuti ishina lya mfumu-malaika ni Mikaele.—2/1, ibula 17.

◻ Ni mbali nshi shine umo twingalangisha umucinshi ku bantu bambi?

Tulingile ukulangisho mucinshi kuli bakateka ba bupolitiki, abengisha incito, na kuli bambi mu cinshingwa-ŋanda ca lupwa, na kuli abo mu cilonganino.—2/1, amabula 20-2.

◻ Mu kwipipa pa ntanshi ya mfwa ya kwa Yesu, ca kumwenako nshi icisuma aimikile abo bakwata abafyashi abakote?

Ilintu Yesu ali acili alepelela mu kushikitika pa cimuti ca kucushiwilwapo, alangulukile ubusuma bwa ku mubili no bwa ku mupashi ubwa kwa nyina pa kumuseekesha ku kusakamanwa ukwa mutumwa wakwe uwatemwikwa Yohane. (Yohane 19:25-27)—2/15, ibula 8.

◻ Mulandu nshi Yesu aculile?

Ukucula kwa kwa Yesu kwabombele ku kupwishe fikansa fya bumpomfu bwa babomfi ba kwa Lesa. Na kabili kwamupangeshe ku cifulo cakwe nga Shimapepo Mukalamba uwa nkumbu ku mutundu wa muntu. (AbaHebere 4:15)—2/15, amabula 14-15.

◻ Fikansa nshi ifyacindama fyaimishiwe pa kupondoka mu Edeni?

Bushe umuntu kuti aba na maka ya kuiteka mu kutunguluka ukwabula Lesa? Bushe bulungi ku lubali lwa kwa Lesa ukupinda ukunakila kuli bumulopwe bwakwe? Mu kulundapo, bushe umuntunse uuli onse kuti asobolapo ukubombela Lesa ukwabula akaso mu kuisalila kwabo?—3/1, ibula 6.

◻ Mulandu nshi bamo mu cilubo baliila ku fimpashanya fya Cibukisho?

Bamo abashakosoka kuti pambi tabalakwata ukutesekesha kwashikatala ukwa mifwaile ya kwa Lesa. Te kuti pambi basumine ukuti ukusubwa “te ca ufwaya nangu ca ubutuka iyo, lelo ca kwa Lesa.” (Abena Roma 9:16) Tacili kusalapo kwa muntu umo umo ukupingulapo ukuti wene kuti atemwa ukutwalwa mu cipingo cipya no kuba impyani inankwe na Kristu. Ukusala kwa kwa Yehova e cipendwa, kabili umupashi wakwe ucitilo bunte kuli uko kusala. (Abena Roma 8:16; 1 Abena Korinti 12:18)—3/15, ibula 21.

◻ Cinshi caba “ululimi lwine lwine” ulwalandwa pali Sefania 3:9?

Lwaba kumfwikisha kwalungama ukwa cine pa lwa kwa Lesa ne mifwaile yakwe.—4/1, amabula 21-2.