Icipande ca Baice
Balimubepeshe!
YOSEFE—ULUBALI 2
Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti e ko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baleumfwa.
Abo balelandapo sana: Yosefe, Potifari, no mukashi wakwe
Ifyo cali: Yosefe balimufyengele no kumupoosa mu cifungo, lelo Yehova ali nankwe.
1 TONTONKANYA PA CACITIKE.—BELENGA UKUTENDEKA 39:7, 10-23.
Bushe uletontonkanya ukuti ishiwi lya kwa muka Potifari lyaleumfwika shani ilyo alebepesha Yosefe ubufi?
․․․․․
Ukulingana ne fyo ule-enganya, londolola ifyo icifungo calemoneka.
․․․․․
Ilyo bamupoosele fye mu cifungo, mafya nshi Yosefe ashipikishe? (Pa kusanga icasuko: Belenga Amalumbo 105:17, 18.)
․․․․․
2 FWAILAPO IFYEBO NA FIMBI.
Nga ca kuti icitetekelo ca kwa Yosefe tacakosele, nga finshi aletontonkanya ilyo ali mu cifungo? (Pa kusanga icasuko: Belenga Yobo 30:20, 21.)
․․․․․
Twaishiba shani ukuti Yosefe talepeela Yehova umulandu ukuti e walengele ukuti alecula? (Pa kusanga icasuko: Belenga Ukutendeka 40:8; 41:15, 16.)
․․․․․
Mibele nshi uletontonkanya ukuti e ya-afwile Yosefe ukushipikisha ilyo bamufyengele no kumupoosa mu cifungo? (Pa kusanga icasuko: Belenga no kutontonkanya pa malembo yakonkapo: Mika 7:7; Luka 14:11; Yakobo 1:4.)
․․․․․
Finshi Yosefe asambilile ilyo ali mu cifungo, kabili fyamwafwile shani ku ntanshi? (Pa kusanga icasuko: Belenga Ukutendeka 39:21-23; 41:38-43.)
․․․․․
3 FINSHI WASAMBILILA MULI ILI LYASHI? LEMBA IFYO WASAMBILILAKO . . .
Pa busuma bwaba mu kushipikisha.
․․․․․
Pa fyo wingasambilila ilyo ulepita mu mafya.
․․․․․
Pa fyo Yehova afwa abantu bakwe ilyo balepita mu mafya.
․․․․․
FINSHI FIMBI IFYO WASAMBILILAKO?
Bushe walibala aukwatapo ubwafya ica kuti waumfwa kwati takuli na ba kukwafwa? Ilyo walepita muli ubo bwafya, bushe Yehova akwafwile shani? (Pa kusanga icasuko: Belenga no kutontonkanya pe lembo lyakonkapo: 1 Abena Korinti 10:13.)
․․․․․
4 FINSHI WATEMWAMO SANA MULI ILI LYASHI KABILI CINSHI WAFITEMENWA?
․․․․․
Nga tawakwata Baibolo, kuti walombako ku Nte sha kwa Yehova nelyo kuti wabelenga pa intaneti pa www.watchtower.org