Icipande ca Baice
Babapususha mwi Lungu lya Mulilo!
Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti e ko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baleumfwa.
Abo balelandapo sana: Shadraki, Meshaki, Abednego, na Nebukadnesari
Ifyo cali: Icitetekelo ca balumendo batatu abaHebere calyeshiwe.
1 TONTONKANYA PA CACITIKE.—BELENGA DANIELE 3:1-30.
Ilyo wacilabelenga ifikomo 3-7, wacilaelenganya ukuti iciunda caleumfwika shani?
․․․․․
Londolola ifyo ule-elenganya ukuti e fyo ilungu lya mulilo lyalemoneka.
․․․․․
Bushe uletontonkanya ukuti ishiwi lya kwa Nebukadnesari lyaleumfwika shani ilyo ale-eba ababomfi bakwe ukuti bakafye ilungu imiku 7 ukucila ifyo balelikafya lyonse? (Belenga na kabili ifikomo 19 na 20.)
․․․․․
Londolola ifyo umwaume uwalenga 4 alemoneka, ukulingana ne fyo ule-elenganya. (Belenga na kabili ifikomo 24 na 25.)
․․․․․
Nga wabelenga ifikomo 16-18, kuti watila mibele nshi Shadraki, Meshaki, na Abednego balangishe ilyo balelanda kuli Nebukadnesari?
․․․․․
2 FWAILAPO IFYEBO NA FIMBI.
Sanga ifyo umukono umo wakula, e lyo usange ne fyo icimpashanya Nebukadnesari apangile cakulile ukubomfya impapulo sha kufwayamo ifyebo isho wakwata. (Belenga na kabili icikomo 1.)
․․․․․
Nga walinganya ifikomo 19 na 20 ku fikomo 28 na 29, bushe uletontonkanya ukuti Nebukadnesari ali muntu wa musango nshi?
․․․․․
3 FINSHI WASAMBILILA MULI ILI LYASHI? LEMBA IFYO WASAMBILILAKO . . .
Pa kuba no mucinshi ku baletungulula.
․․․․․
Pa fyo cacindama ukupampamina fye pa kucita ifyo wasuminamo.
․․․․․
Pa fyo Yehova atwafwa ilyo tule-eshiwa.
․․․․․
FINSHI FIMBI IFYO WASAMBILILAKO?
Ni muli finshi umo icitetekelo cobe cingeshiwa?
․․․․․
Bushe ilyashi lya kwa Shadraki, Meshaki, na Abednego kuti lyakwafwa shani ukutwalilila ukuba ne citetekelo?
․․․․․
4 FINSHI WATEMWAMO SANA MULI ILI LYASHI KABILI FINSHI WAFITEMENWA?
․․․․․
Nga tawakwata Baibolo, kuti walombako ku Nte sha kwa Yehova nelyo kuti wabelenga pa Intaneti pa www.watchtower.org