Cinshi Baibolo Isambilisha?

Bushe tuleikala mu “nshiku sha kulekelesha”?

Bushe kuti mwatila?

• Ee

• Awe

• Nalimo

Ifyo Baibolo ilanda

“Mu nshiku sha kulekelesha mukesaba inshita ishayafya nga nshi.” (2 Timote 3:1) Amasesemo ya mu Baibolo e lyo ne filecitika mu calo filelanga ukuti tuleikala mu “nshiku sha kulekelesha.”

Finshi fimbi ifyo tusambililako ku fyo Baibolo ilanda?

• Mu nshiku sha kulekelesha mukaba inkondo, ifipowe, ifinkukuma, na malwele ayashakalepola.—Mateo 24:3, 7; Luka 21:11.

• Mu nshiku sha kulekelesha abantu abengi bakulacita ifyabipa kabili bakaleka ukutemwa ifya kwa Lesa.—2 Timote 3:2-5.

Bushe ifintu fikaba shani ku ntanshi?

Abantu bamo basumina . . .ukuti inshiku sha kulekelesha shikapwa ilyo icalo cikonaulwa capamo na bantu bonse ababapo, lelo bambi basubila ukuti ifintu mu calo fikawama. Muletipo shani?

Ifyo Baibolo ilanda

“Abalungama e bakekala mu calo, kabili bakekalamo umuyayaya.”—Amalumbo 37:29.

Finshi fimbi ifyo tusambililako ku fyo Baibolo ilanda?

• Inshiku sha kulekelesha shikapwa ilyo Lesa akonaula ababifi.—1 Yohane 2:17.

• Isonde likaba Paradaise.—Esaya 35:1, 6.