Muletipo Shani?

Bushe Baibolo Kuti Yamwafwa Ukuba Cibusa wa kwa Lesa?

ABANTU BAMO BATILA . . .

te kuti babe ifibusa fya kwa Lesa pantu babembu. Bambi batila Lesa tatusakamana. Inga imwe muletipo shani?

IFYO BAIBOLO ILANDA

“Abalungama e baba bacibusa bakwe [Lesa].” (Amapinda 3:32) Kuti twaba ifibusa fya kwa Lesa nga tulemumfwila.

FINSHI FIMBI TUSAMBILILAKO KU FYO BAIBOLO ILANDA?

Lesa afwaya ukuba Cibusa wesu.—Yakobo 4:8.
Apo Lesa ni Cibusa wesu, alafwaya ukutwafwa no kutwelela.—Amalumbo 86:5.
Ifibusa fya kwa Lesa fyalitemwa ifyo atemwa no kupata ifyo apata.—Abena Roma 12:9.

Nga mulefwaya ukwishibilapo na fimbi pa fyo mwingalacita ifyo Lesa afwaya, belengeni icipandwa 12 mu citabo citila,Bushe Cinshi Baibolo Isambilisha? Ici icitabo calembwa ne Nte sha kwa Yehova. Kuti mwacisanga na pa www.jw.org/bem