Ilyashi Lya Teokrasi

Angola: Icipendo ca pa muulu icipya ica bakasabankanya 35,034 califikilwepo mu December.

Bangladesh: Abasangilweko kwi Bungano lya Citungu ilya “Ukutetekela Icebo ca kwa Lesa” ilyabelele ku Dacca baali 142, ababatishiwe baali 14. Iyo mpendwa yacililepo imiku ibili pa mpendwa ya babatishiwa pa kashita kamo mu Bangladesh.

Benin: Impendwa yabasangilweko bonse ku Mabungano ya Citungu aya “Ukutetekela Icebo ca kwa Lesa” yafikile pali 15,633, ababatishiwe baali 403. Lipoti wa mu December asokolola icipendo ca pa muulu icipya ica bakasabankanya 5,351.

Liberia: Mu December kwali ibungano ilisuma ku Monrovia, abasangilweko baali 5,158. Icipendo ca pa muulu icipya ica bakasabankanya 2,127 e bacitile lipoti muli ulya mweshi.

Madagascar: Ukwingilishiwako kwa maperesenti 11 ukwa bakasabankanya ukucila pali avareji wa mwaka wapwile kwalifikilwepo mu December, ababombeleko mu mulimo wa mwi bala baali 9,226.

St. Maarten: Icipendo ca pa muulu icipya ica bakasabankanya 265 e bacitile lipoti mu December—ukwingilishiwako kwa maperesenti 10 pali avareji wa mwaka wapwile. Batungulwile amasambililo ya Baibolo 310.