Ifya Kulanda Pali Bamagazini

Ulupungu lwa kwa Kalinda Jan. 15

“Kale, abantu abengi basumine ati icalo kasuba kamo cikaba paradaise. Ilelo, bamo balatwishika no kutwishika nga cikekalilila. Bushe mutila cikaba shani kwi sonde ku ntanshi? [Lekeni basuke.] Moneni ifyo Baibolo isosa pali ci. [Belengeni Amalumbo 37:11.] Uyu magazini alelanda na fimbi pa fyo Baibolo isosa pa fyo cikaba kwi sonde.”

Loleni!Oct.-Dec.

“Catunganishiwa ukuti ukucila pali hafu wa malwele yonse ne mfwa sha baice filengwa no tushishi twingila mu tunwa twabo ne fiko ku maboko nelyo mu fya kulya na menshi. Kuti twacincintila shani ico? [Lekeni basuke.] Ukuisunga aba busaka kuti kwatupususha. Takwakosa kabili tapapooswa indalama ishingi, lelo kuti kwacingilila ubumi bwesu no bwa lupwa lwesu. [Belengeni Amalango 23:12, 13.] Uyu magazini alelanda pa nshila sha kucingililamo ubumi bwenu.”

Ulupungu lwa kwa Kalinda Jan. Dec. 1

“Abantu bamo leelo baleleka ukutetekela Lesa. Icilelenga cimo ni co balafilwa ukusanga ifyasuko bengasekelamo pa lwa mepusho pamo nga ya. [Landeni ifya kumwenako ukufuma pa mukululo uli pe bula 6.] Ulu Ulupungu lwa kwa Kalinda lulelanda pali cimo icacindama pa kukwata icitetekelo cine cine muli Lesa.” Belengeni Abena Filipi 1:9.

Loleni! Oct.-Dec.

“Bushe kuti mwasanga abantu abangwa bambi icine cine? [Lekeni basuke.] Ukwesha ukwikatanya abantu ba mishobo yonse cintu ico umuntunse ashingacita ku maka yakwe na mano. Nangu fye balya abaitunga ukupepa Lesa balifilililwa fye ukucite ci. Icingabomba fye kukonka ifyo Yesu asambilishe pali Marko 12:31. [Belengeni.] Icilangililo ca kufika pa mutima ica kutemwa abantunse banensu nacilandwapo muli uyu magazini.”