Ibungano lya Citungu Lyatucincisha Ukwenda na Lesa
Mwandini Ibungano lya Citungu ilya mutwe wa kuti “Endeni na Lesa” lyalikomaile pa butungulushi bwa kwa Yehova ubwaumfwika ubwa kuti: “Iyi e nshila, e mo mwende”! (Esa. 30:21) Ukukonka ifyebo twapokelele kukatwafwa ukuba ‘abacenjela pa kwenda kwesu.’ (Efes. 5:15) Ukwetetula pa fyo twasambilile kukatwafwa ilyo ‘tuleenda mu cine.’—3 Yoh. 3.
Ilyo mulepekanishisha lino lyashi, bomfyeni ifipusho fyakonkapo pamo pene ne fyebo mwalembele pa kuti mukeselandapo ilyo kukaba ukupitulukamo mu malyashi ya pa kulongana kwa uno mwaka. Ukupitulukamo kukaba mu Kulongana kwa Mulimo ukwa mulungu wa October 18.
1. Bushe Enoke aendele shani na Lesa te mulandu no kwikala mu nshita ya mafya? (Heb. 11:1, 5, 6; Yuda 14, 15; “Endeni na Lesa mu Nshita ya Mafya”)
2. Ni mu mbali nshi isha bumi bwesu umo icishinte cisangwa pali Luka 16:10 cingabomba? (“Bushe Muli ‘Ba Cishinka ku Cacepesha’?”)
3. (a) Lumbuleni amasambililo yakalamba yane ayasangwa mu fipandwa 6 ukufika ku 9 ifya kwa Hosea ayakatwafwa ukwenda na Lesa. (Hos. 6:6, 7; 7:14; 8:7) (b) Fishinka nshi fimbi muli Hosea ifipandwa 10 ukufika ku 14 ifitwafwa ukwenda na Lesa? (“Ukusesema kwa kwa Hosea Kutwafwa Ukulaenda na Lesa”—Amalyashi ya Kukonkana)
4. Fintu nshi fimo fimo ifyo abalume na bakashi Abena Kristu bengacita pa kuti icupo cabo cibe icakosa? (Amapi.12:4; Efes. 5:29; “Ico Lesa Alundenye” Mwilundulula)
5. Tulanga shani umucinshi ku kulongana kwesu ukwa mushilo? (Luk. Mil. 5:1; Esa. 66:23; “Ukulacindikisha Ukulongana Kwesu Ukwashila”)
6. (a) Ni mbali nshi shitatu isha mulimo wesu uwa kushimikila isho tulingile ukubebeta pa kushininkisha ukuti tulebombako uyu mulimo mu kukumanina? (Esa. 52:7; Seka. 8:23; Marko 6:34) (b) Fiputulwa nshi ifya lupapulo lwa kuti Good News for People of All Nations (Imbila Nsuma ku ba Nko Shonse) isho mwasanga ukuba isha kwafwa nga nshi? (“Imbila Nsuma ku ba Nko Shonse”; “Ukwafwa Abalanda Ululimi Lumbi”)
7. Kuti twa-afwa shani abapya ukuicetekela ilyo baleshimikila ubukombe bwa Bufumu? (Abapi. 7:17; “Abaleafwa Abantu Abengi Ukuilunda Kuli Ifwe mu Mulimo wa Kubila”)
8. Tulanga shani ukuti twalishininwa ati “nabupalamo bushiku bukulu bwa kwa Yehova”? (Sefa. 1:14; “Endeleni mu Kutetekela, Te mu Kumona”)
9. (a) Ukupunwisha bambi kwabipa shani? (Marko 9:42-48) (b) Kuti twasengauka shani ukupunwishiwa? (Amalu. 119:165) (c) Kuti twasengauka shani ukupunwisha bambi? (1 Kor.10:24; “Mwibika Ica Kupunwisha Nangu Cimo”)
10. Kuti twaba shani abatekanya ilyo tulefwaya uwa kuupana nankwe, ilyo tulefwaya ubutuntulu bwa bumi ubusuma, e lyo na mu fya makwebo? (Amalu. 26:4; Mat. 6:25; 1 Tim. 6:9; “Tekanyeni Umupwilapo”)
11. (a) Cinshi caba icapulamo ilyo Yesu balemutebeta? (Luka 10:42; 24:32) (b) Kuti twaikusha shani ukukabila kwesu ukwa kutuusha ukwingalenga ifwe na bambi ukupembesulwa? (1 Kor. 10:31-33; “Imilimo Isuma Iipuupuutula”)
12. Ukulingana ne cipandwa calenga 23 ice buuku lya Amalumbo, mapaalo nshi fwe mpaanga sha kwa Yehova tupokelela, kabili finshi tufwile ukucitapo? (1 Kor. 10:21; “Yehova Mucemi Wesu”)
13. Abena Kristu bomfwila shani ukufunda kwapuutwamo ukwa kuti ‘ilubwileni inshita’? (Efes. 5:16; “Ukuilubwile Nshita mwe Bene”)
14. (a) Inshita ya ‘bupingushi’ iyalumbulwa pa Ukusokolola 14:7 isanshamo finshi? (b) Tulanga shani ukuti icine cine fye twalifumamo muli Babiloni Mukalamba? (“‘Mulelola’—Inshita ya Bupingushi Naifika”) (c) Fishinka nshi muleipakisha muli broshuwa wa kuti Mulelola!?
15. Lumbuleni ifintu fitatu ifingatwafwa ‘ukukanasha inshila yalungama.’ (2 Pet. 2:15; “Ibakeni ku Kusha Inshila Yalungama”)
16. Imisepela kuti yasengauka shani ukuya “umuya ababi”? (Amapi. 4:14; “Mwe Misepela—Endeni mu Nshila ya Bulungami”)
17. (a) Ni mu nshila nshi Paulo abela ica kumwenako cawamisha ica kushipikisha? (Imil. 14:19, 20; 16:25-33) (b) Mulandu nshi tushilingile ukutiinina abalwani ba kupepa kwa cine? (Icilangililo ne lyashi “Shimikisheni Nangu Bamukaanye”)
18. Mapaalo nshi abenda na Lesa bapokelela? (“Ukwenda na Lesa Kulaleta Amapaalo Pali Nomba na ku Ciyayaya”)
Shi natube aba mukoosha ‘ukuumfwila’ Yehova ku kuleka tule-enda na Shifwe wa ku muulu umuyayaya umuyayaya.—Esa. 30:21; Yoh. 3:36.