Vidio ya The Bible—Accurate History, Reliable Prophecy

Finshi filangilila ukuti ifyaba mu Baibolo filomfwana bwino bwino ne fyacitike kale sana? Finshi Baibolo yasobeele ifyaishilecitika ifilenga tucetekele ukuti ubusesemo bonse bukafikilishiwa ku ntanshi? Aya mepusho yalyasukwa bwino bwino muli vidio ya The Bible—Accurate History, Reliable Prophecy, iyi vidio ni imo pali yalya ama DVD yatatu ayakwata umutwe uutila,The Bible—A Book of Fact and Prophecy. Nga mwapwisha ukutamba iyi vidio, bushe kuti mwa-asuka aya mepusho yakonkapo?

(1) Ni nani umwine wa fyebo ifyo twacetekela ifyaba mu Baibolo? (Dan. 2:28) (2) Bushe Baibolo ilondolola shani bwino bwino ifyo icalo ca Egupti cali kale, kabili ubusesemo bwaba pali Esaya 19:3, 4 bwafikilishiwa shani? (3) Bushe ifyo bashulile mu mushili filangilila shani ukuti ifyo Baibolo yalanda pa bena Ashuri, pa mfumu shabo, ne fyo ubufumu bwa bena Ashuri bwaonaike fya cine? (Nahu. 3:1, 7, 13) (4) Finshi fyasobeelwe pa bufumu bwa Babiloni ifyaishilefikilishiwa ifyo twingacetekela? (Yer. 20:4; 50:38; 51:30) (5) Busesemo nshi ubulanda pa bufumu bwa bena Madai na Persia ubwaishilefikilishiwa? (Esa. 44:28) (6) Bushe Daniele 7:6 na 8:5, 8 yafikilishiwe shani ku bufumu bwa Grisi? (7) Bushe Daniele 7:7 yafikililishiwe shani ilyo ubufumu bwa Roma bwaishileba icalo cakwatisha amaka? (8) Ni ba Kaisare nshi abalumbulwa muli Baibolo? (9) Finshi fyacitikiile Abena Kristu ilyo Nero aleteka? (10) Bushe ubusesemo ubwaba pa Ukusokolola 13:11 na 17:10 bwafikilishiwe shani? (11) Finshi ifya kwishibilako imfumu yalenga cinekonsekonse (8)? (12) Finshi fyaba muli vidio ifilangilila ukuti amashiwi yaba pali Lukala Milandu 8:9 ya cine? (13) Fintu nshi ifyasobelwa ifyo mulolela no kufulukisha ukuti fikacitike ku ntanshi? (14) Kuti mwabomfya shani iyi vidio ku kwafwa bambi ukusumina ukuti Baibolo yafuma kuli Lesa?