Vidio ya Kuti Jehovah’s Witnesses—Faith in Action, Part 1: Out of Darkness
Mu Baibolo, ulubuuto balupashanya ku cine, e lyo imfifi ku bufi. (Amalu. 43:3; Esa. 5:20) Imfifi yaishileko mu calo lintu Satana abepele Efa, na mu kulekelesha imfifi yalisalangana mu calo conse. (Ukus. 12:9) Vidio ya Jehovah’s Witnesses—Faith in Action, Part 1: Out of Darkness, yalilondolola ifyo ulubuuto lwa ku mupashi lwatampile ukumoneka panono panono. (Esa. 60:1, 2) Pa numa ya kutamba iyi vidio, bushe kuti mwayasuka ifi fipusho?
(1) Bushe imfifi yatendeke shani pa numa ya mfwa ya batumwa? (2) Ukutendeka muli ba 1100, fintu nshi ifyalecitika ifyalengele abantu ukutendeka ukutwishika imisambilishishe ye calici? (3) Finshi twaishiba pali Henry Grew na George Storrs? (4) Finshi ifyacitikile Charles Russell ifyalengele ukuti aluke? (5) Bushe munyina Russell, na bawishi, e lyo na banankwe balecita shani pa kusambilila Baibolo, kabili basangile bushininkisho nshi ubwa mu malembo? (6) Mulandu nshi aba abalesambilila Baibolo batendeke ukubombela pamo ne bumba lya kwa Nelson Barbour, lelo finshi fyalengele Munyina Russell ukuleka ukubomba nankwe? (7) Finshi fyacitike mu July 1879 ifyalengele kube ulubuuto lwa ku mupashi? (8) Pa numa, bushe Abasambi ba Baibolo abaile balefulilako balecita shani pa kushimikile imbila nsuma? (9) Imyaka iingi ilyo umwaka wa 1914 ushilafika, finshi Abasambi ba Baibolo bale-enekela ukucitika muli ulya mwaka? (10) Mafya nshi Abasambi ba Baibolo bakwete pa numa ya mfwa ya kwa Munyina Russell? (11) Finshi Abasambi ba Baibolo bacitile ilyo Munyina Rutherford na banankwe babafumishe mu cifungo? (12) Bushe ukutamba iyi vidio kwalenga mwaufwikisha finshi pa cilonganino conse ica kwa Yehova ifingalenga muletasha? (13) Bushe iyi vidio yakosha shani ukufwaisha kwenu ukwa kuba abacincila mu mulimo wa kushimikila nangu muli na mafya? (14) Kuti twabomfya shani iyi vidio ukwafwa balupwa lwesu, abo tusambilila nabo Baibolo, e lyo na bantu bambi?
We cuma ubusuma ico Abasambi ba Baibolo batushila! Mu calo icaba mu mfifi ya ku mupashi, balya Abasambi ba Baibolo bali abashipa kabili abacincila mu kusanika ulubuuto. Shi natulebapashanya no ‘kulaenda nga bana ba lubuuto.’—Efes. 5:8.