Mulepeelako Bambi “Ifisuma” Ilyo Mulesekelela Abeni (Mat. 12:35a)

Ifwe bonse tulafwaya ukupeelako bambi “ifisuma” ilyo tutwalilila “ukusekelela abeni.” (Rom. 12:13) Baeluda balibeba ukuti bafwile ukuba pa ntanshi mu kusekelela abeni. Bafwile ukulipililila kalanda umweni indalama sha kwendela e lyo no kumupekanishisha ica kulya. Nalimo kuti twawayawaya ukulanga icileela pa mulandu wa kuti tuli bapiina, nelyo kuti twaumfwa umwenso wa kwitako bambi ku ng’anda ku mwesu. Nga tuletontonkanya pa fyo Yesu afundile Marita te kuti tuletiina ukusekelela abeni. (Luka 10:39-42) Yesu atile “icintu icisuma” icaba mu kuselelela abeni, kuba pamo na ba bwananyina no kukoseleshanya, te kwipika ifya kulya ifingi nelyo ukukwata ifipe ifisuma sana mu ng’anda. Nga tulekonka uku kufunda, tukalapako bamunyinefwe “ifisuma” ukulingana ne fyo Icebo ca kwa Lesa cilanda.—3 Yoh. 5-8.