Inshila sha Kubomfeshamo JW Library

PE SAMBILILO LYA PA LWENU:

• Kuti mwabelenga Baibolo ne lembo lya bushiku.

• Kuti mwabelenga icitabo ca Ilyashi lya Nte sha kwa Yehova, magazini e lyo ne mpapulo shimbi. Mulebomfya na bookmark

• Kuti mwapekanya ukulongana kwa cilonganino, kabili kuti mwashila ne fyasuko

• Kuti mwatamba amavidio

PA KULONGANA:

• Kuti mwabelenga amalembo ayo kalanda aleloshako. Kuti mwabomfya history pa kubwelela ku malembo yambi

• Ukucila ukusenda impapulo ishingi ishapulintwa mu kulongana, kuti mwabomfya foni yenu, tabuleti e lyo ne fyapala ifi ukulakonkamo mu malyashi ya pa kulongana e lyo no kwimba inyimbo. JW Library yalikwata inyimbo ishipya ishishaba mu citabo ca nyimbo.

ILYO MULEBILA IMBILA NSUMA:

• Langeni umuntu muleshimikilako fimo ifyaba pa JW Library, kabili nga kuti akopolola, mwafweni no kukopolwela impapulo pa foni yakwe, tabuleti e lyo ne fyapala ifi

• Kuti mwabomfya apa kucitila search pa kuti mufwaye bwangu icikomo. Nga tamusangile amashiwi yamo ayo mulefwaya muli Baibolo ya New World Translation iyapitulukwamo, kuti mwayafwaya muli Reference Bible

• Kuti mwatambisha vidio. Nga ca kuti umuntu mwasanga pa ng’anda alikwata abana, kuti mwabatambishako vidio imo pa mavidio yatila, Become Jehovah’s Friend. Nelyo kuti mwabatambisha vidio iitila, Why Study the Bible? pa kuti mwalenga bafwaisha ukusambilila Baibolo. Kabili nga mwasanga umuntu uulanda ululimi lumbi, kuti mwamutambisha vidio mu lulimi lwakwe

• Kuti mwalanga umuntu ilembo lya mu Baibolo ya mu lulimi lumbi iyo mwakopolola kale. Kuti mwaya fye pe lembo, mwatinika na pa nambala ya ico cikomo pa kuti amona ifyo bapilibula ico cikomo mu maBaibolo yambi ayo mwakopolola