Tetekeleni Yehova Kabili Mulecita Ifisuma

“Wilakumbwa abacita ifishalungama”

37:1, 2

• Mwilaleka ubunonshi bwa pa kashita fye akanono ubwa bantu abacita ifyabipa ukulenga mwaleka ukubombela Yehova. Muletontonkanya sana pa mapaalo muipakisha na pa fyo mwingacita mu fya kwa Lesa

“Tetekela Yehova no kucita icisuma”

37:3

• Muletetekela ukuti Yehova akalamwafwa ilyo muli na masakamika. Akamwafwa ukutwalilila ukuba abacishinka

• Muleba abacincila mu mulimo wa kubila imbila nsuma iya Bufumu

“Sekelela nga nshi muli Yehova”

37:4

• Nga mulefwaya ukwishiba sana Yehova, mufwile ukutantika nshita ya kubelenga Icebo ca kwa Lesa no kutontonkanya sana pa fyo mulebelenga

“Leka Yehova atungulule inshila yobe”

37:5, 6

• Mufwile ukutetekela sana ukuti Yehova akamwafwa ukupwisha amafya

• Muletwalilila ukuba ne mibele iisuma nangu ni lintu balemukaanya, balemucusha nelyo ilyo balelanda ifyabipa pali imwe

“Ba tondolo kuli Yehova Kabili utekanye pa kumulolela”

37:7-9

• Mwilayangufyanya ukucita ifintu ifingalenga mwaleka ukuba ne nsansa no konaula bucibusa bwenu na Yehova

“Abafuuka e bakekala mu calo”

37:10, 11

• Muleba abafuuka kabili mulelolela pali Yehova ilyo akafumyapo ulufyengo

• Muleyafwa aba bwananyina kabili mulebakoselesha ilyo mulebebako pa calo cipya ico Lesa atulaya icili mupepi nga nshi