IFYO FWE BENA KRISTU TULINGILE UKULAIKALA

Ni Lilali Ningabombako Bupainiya Bwakwafwilisha?

Icimonwa ce tempele ico Esekiele amwene cilanga ukuti abantu ba kwa Yehova baali no kulaipeelesha sana ilyo balemubombela. Ni nshila nshi shimo isho twingatuulilamo amalambo ya kulumbanya?—Heb. 13:15, 16.

Inshila imo iyo twingacitilamo ifi kubombako bupainiya bwakwafwilisha. Umwaka wa mulimo uwa 2018 ukakwata imyeshi iingi iikakwata inshiku sha pa Cibelushi nelyo isha pa Mulungu shisano. Ici kuti cayafwa sana balya ababomba incito sha ku mubili mu kati ka mulungu kabili ababomba umulimo wa kubila imbila nsuma ilingi line pa Cibelushi na pa Mulungu. Na kabili, bakasabankanya kuti basalapo ukubomba amaawala 30 nelyo 50 mu myeshi ya March na April e lyo na mu mweshi balekwata umulungu waibela.

Nga ca kuti nalimo te kuti tukwanishe ukubombako bupainiya bwakwafwilisha? Kuti twabombesha ukuwamya umo tushicita bwino ilyo tulebila imbila nsuma kabili kuti twalundako fye na maawala tubomba. Apo twalitemwa Yehova, natukabombeshe bonse mu mwaka wa mulimo uwa 2018 te mulandu ne fyo ifintu fikaba!—Hos. 14:2.

Ba Sabina Hernández bekatile pen ku kanwa balesaina formu ya bupainiya bwakwafwilisha — Kuti napashanya shani ba Sabina ukulabombesha mu mulimo wa kwa Yehova?

TAMBENI VIDIO IITILA, YEHOVA ALANGAFWA UKUBOMBESHA, LYENA ASUKENI IFI FIPUSHO:

Cinshi cilenga ba Sabina balebombesha mu mulimo wa kwa Yehova?
Bushe ica kumwenako ca ba Sabina camukoselesha ukulacita finshi?
Bushe mweshi nshi nelyo myeshi nshi mu mwaka wa mulimo uwa 2018 iyo mwingabombako bupainiya bwakwafwilisha?