ICUMA ICABA MU CEBO CA KWA LESA | MARKO 3-4
Ukundapa Abalwele pe Sabata
Cinshi Yesu aumfwilile sana ububi pa fyo intungulushi sha mapepo isha baYuda shalecita? Pantu balilengele Isabata lyaba cisendo pantu babikileko amafunde ayaletitikisha abantu. Ku ca kumwenako, tabalesuminisha ukwipaya ulupantila pe Sabata. Na kabili, balesuminisha fye ukundapa umulwele nga ca kuti ali mu kufwa. Ici calolele mu kuti te kuti bondape umuntu pe Sabata nangu nafunika nelyo naifyutula. Kanshi intungulushi sha mapepo tashaumfwilile uluse umwaume uwalemene ukuboko.