ICUMA ICABA MU CEBO CA KWA LESA | IMILIMO 1-3

Umupashi wa Mushilo Walipongolwelwe pa Cilonganino ca Bena Kristu

Abantu abengi abafumine mu nko shimbi mu Yerusalemu pa mutebeto wa Pentekoste mu 33 C.E.

2:1-8, 14, 37, 38, 41-47

AbaYuda abengi abaliko pa bushiku bwa mutebeto wa Pentekoste mu 33 C.E., bafumine mu nko shimbi. (Imil. 2:9-11) Nangu ca kuti balekonka Ifunde lya kwa Mose, nalimo baikele ubumi bwabo bonse mu nko shimbi. (Yer. 44:1) Kanshi bamo tabalefwala ifyo abaYuda balefwala nelyo ukulanda ululimi lwa baYuda. Ilyo abantu 3,000 babatishiwe apali na bafumine mu nko shimbi, icilonganino ca Bena Kristu mu kupumikisha calikulile. Nangu ca kuti bakwete nkulilo ishapusanapusana, “ubushiku no bushiku balesangwa lyonse pe tempele no mutima umo.”—Imil. 2:46.

Kuti nalanga shani ukutila nalibika amano ku . . .

bantu abafuma ku fyalo fimbi abekala mu cifulo tubilamo imbila nsuma?
babwananyina abafuma ku fyalo fimbi abo twaba nabo mu cilonganino?